సిద్దిపేట జిల్లా దుబ్బాక ఉప ఎన్నిక సందర్భంగా ఖాస్లాపూర్ చెక్పోస్ట్ వద్ద పోలీసులు నిర్వహించిన వాహన తనిఖీల్లో భారీగా నగదు పట్టుబడింది. నార్సింగ్ ఎస్సై నాగమణి తన సిబ్బందితో తనిఖీలు నిర్వహిస్తుండగా... రామాయంపేట వైపు నుంచి నార్సింగ్ వైపు వెళ్తున్న కారులో 4 లక్షల 21 వేలు లభ్యమయ్యాయి.
కారు డ్రైవర్ శ్రీనివాస్ గౌడ్ని ప్రశ్నించగా... నగదు నార్సింగ్ గ్రామంలోని ఈశ్వర్ వైన్స్కు సంబంధించినవని తెలిపారు. తాను ఆ వైన్స్‌లో అకౌంటెంట్‌గా పనిచేస్తున్నానని తెలిపాడు. సరైన ఆధారాలు చూపకపోవటం వల్ల డబ్బును స్వాదీనం చేసుకున్నట్లు పోలీసులు తెలిపారు. కేసు నమోదు చేసి దర్యాప్తు చేస్తున్నట్లు పేర్కొన్నారు.
