హైదరాబాద్ శంషాబాద్ అంతర్జాతీయ విమానాశ్రయంలో సుమారు 20 తులాల బంగారాన్ని కస్టమ్స్ అధికారులు స్వాధీనం చేసుకున్నారు. రియాద్‌ నుంచి హైదరాబాద్ వచ్చిన ఓ ప్రయాణికుడి నుంచి 233 గ్రాముల బంగారం స్వాధీనం చేసుకున్నట్లు కస్టమ్స్ ఉప కమిషనర్‌ శివకృష్ణ తెలిపారు.
ప్రయాణికుడు జీన్స్ ప్యాంట్‌లో నడుము వద్ద ప్రత్యేకంగా ఏర్పాటు చేసుకున్న ప్యాకెట్‌లో ఈ బిస్కెట్లను దాచుకుని వచ్చినట్లు అధికారులు వివరించారు. 233 గ్రాములు బరువైన రెండు బంగారం బిస్కెట్లను స్వాధీనం చేసుకున్నామని... వాటి విలువ రూ.12లక్షల 22 వేలు ఉంటుందని అధికారులు అంచనా వేశారు.
