అంబులెన్సు వెంట శునకం పరుగులు- వీడియో వైరల్​

యజమానిపై ఓ శునకం చూపించిన ప్రేమ నెటిజన్లను కట్టిపడేస్తోంది. టర్కీలో అనారోగ్యం బారినపడిన యజమానిని తరలిస్తున్న అంబులెన్సును వెంటాడింది శునకం.

'శునకాలకు విశ్వాసం ఎక్కువే..' ఈ మాట రోజూ వింటూనే ఉంటాం. దీనిని రుజువు చేస్తూ ఎన్నో సంఘటనలు చూస్తూనే ఉంటాం. తాజాగా టర్కీలో ఇలాంటి ఘటనే ఒకటి జరిగింది. అనారోగ్యం కారణంగా యజమానిని అంబులెన్స్​లో తరలిస్తున్న సమయంలో.. దాని వెంటే పరిగెత్తింది ఓ శునకం. యజమాని కోసం పరితపించిపోయింది. ఈ వీడియో ఇప్పుడు సామాజిక మాధ్యమాల్లో వైరల్​గా మారింది.

• A faithful dog raced with an ambulance carrying its owner and patiently waited while the owner was taken inside the hospital pic.twitter.com/RIjavKuVLC

  — Reuters (@Reuters) June 10, 2021 " class="align-text-top noRightClick twitterSection" data="

  A faithful dog raced with an ambulance carrying its owner and patiently waited while the owner was taken inside the hospital pic.twitter.com/RIjavKuVLC

  — Reuters (@Reuters) June 10, 2021

  ">

  A faithful dog raced with an ambulance carrying its owner and patiently waited while the owner was taken inside the hospital pic.twitter.com/RIjavKuVLC

  — Reuters (@Reuters) June 10, 2021

ఇదీ జరిగింది..

టర్కీలోని ఇస్తాంబుల్​లో ఓ మహిళ అనారోగ్యం బారినపడ్డారు. ఇన్నిరోజులు ఇంట్లో చికిత్స తీసుకున్న ఆమెను ఆస్పత్రిలో చేర్చడం కోసం అంబులెన్సు ఇంటికి వచ్చింది. ఆ సమయంలో అంబులెన్సులోకి ఎక్కేందుకు గోల్డెన్ రిట్రీవర్ (శునకం జాతి) ప్రయత్నించగా, పలు కారణాలతో దానిని సిబ్బంది అనుమతించలేదు.

అయితే, యజమానికి ఏమవుతుందోననే భయంతో అంబులెన్సు వెంటే పరుగుపెట్టింది గోల్డెన్ రిట్రీవర్. ఆమెను ఆస్పత్రికి లోపలికి తీసుకెళ్లాక.. ప్రవేశ ద్వారం దగ్గరే ఓపిగ్గా ఎదురుచూసింది. వారిద్దరి మధ్య అవినాభావ సంబంధం, శునకం చూపిస్తున్న ప్రేమకు నెటిజన్లు ఫిదా అయిపోతున్నారు.

ఇదీ చూడండి: యజమాని మరణం తట్టుకోలేక శునకం కన్నుమూత