అపార్ట్మెంట్ను తాకిన ఇజ్రాయెల్ రాకెట్
ఇజ్రాయెల్ రాకెట్ దాడుల్లో గాజాలోని అపార్ట్మెంట్ ధ్వంసమైంది. నగరం మధ్యలో ఉండే ఓ ఆకాశహర్మ్యాన్ని ఓ రాకెట్ ఢీకొట్టింది. ఇజ్రాయెల్ సైన్యం చేస్తున్న ఈ దాడుల్లో కొంతమంది ఉగ్రవాదులు చనిపోయారని పాలస్తీనా మీడియా తెలిపింది.
దాడుల అనంతరం స్థానిక ప్రజలు వీధుల్లోకి పరుగులు తీశారు. భయాందోళనతో నగరానికి దూరంగా వెళ్లి తలదాచుకుంటున్నారు.
అంతకుముందు, హమాస్ ఉగ్రవాద నాయకుడి స్థావరం లక్ష్యంగా ఇజ్రాయెల్ రాకెట్ దాడులు చేసింది. ఈ ఘటనలో ఓ మహిళతో పాటు 19ఏళ్ల దివ్యాంగ కుమారుడు మరణించాడని పాలస్తీనా అధికారులు తెలిపారు. మొత్తంగా ఈ దాడుల్లో 24 మంది మృతి చెందారు.
సోమవారం నుంచి గాజా తీవ్రవాదులు ఇజ్రాయెల్పై దాడులు చేస్తున్నారు. 250కి పైగా రాకెట్లను ప్రయోగించారు. ఇజ్రాయెల్ తీవ్రంగా ప్రతిఘటిస్తోంది.
ఇదీ చదవండి: సరిహద్దులో ఉద్రిక్తత- రంగంలోకి అదనపు సైన్యం
