FATF Pakistan : అంతర్జాతీయ ఆర్థిక సాయం పొందే విషయంలో పాకిస్థాన్కు ఊరట లభించింది. ఆ దేశాన్ని 'గ్రే లిస్ట్' నుంచి తొలగించింది ఫైనాన్షియల్ యాక్షన్ టాస్క్ఫోర్స్(ఎఫ్ఏటీఎఫ్). గురు, శుక్రవారాల్లో సింగపూర్లో జరిగిన సమావేశంలో ఈ నిర్ణయం తీసుకుంది. ఉగ్రవాద సంస్థలకు నిధుల సరఫరాను కట్టడి చేసే లక్ష్యాలను పాకిస్థాన్ అందుకోకపోవడం వల్ల ఎఫ్ఏటీఎఫ్ నాలుగేళ్ల నుంచి ఆ దేశాన్ని గ్రే లిస్ట్లో ఉంచింది.
పాక్‌తోపాటు నికారాగువా కూడా గ్రే లిస్టు నుంచి బయటపడింది. మయన్మార్‌ గ్రే లిస్టు నుంచి బ్లాక్ లిస్టులోకి వెళ్లింది. గ్రే లిస్టు, బ్లాక్ లిస్టులో ఉన్న దేశాలు అంతర్జాతీయ సంస్థల నుంచి నిధుల పొందడం చాలా కష్టం. గ్రే లిస్టు, బ్లాక్ లిస్టులో ఉన్న దేశాలు అంతర్జాతీయ సంస్థల నుంచి నిధుల పొందడం చాలా కష్టం. ఈ దేశాలకు ముఖ్యంగా అంతర్జాతీయ ద్రవ్యనిధి సంస్థ, ప్రపంచ బ్యాంక్‌, ఏడీబీ, యూరోపియన్‌ యూనియన్‌ వంటి సంస్థలు ఆర్థిక సాయం చేసేందుకు వెనకాడుతాయి.
జైషే మహ్మద్ అధినేత మసూర్ అజార్, లష్కరే తోయిబా అధినేత హఫీజ్ సయీద్, అతని సహాయకుడు జకీవుర్ రెహమాన్ లఖ్వీలపై చర్యలు తీసుకోవడంలో పాక్ విఫలమైన నేపథ్యంలో ఎఫ్ఏటీఎఫ్ తొలిసారిగా 2018 జూన్‌లో పాకిస్థాన్‌ను గ్రే లిస్ట్లో ఉంచింది. అనంతరం వీటి నుంచి బయటపడేందుకు పాకిస్థాన్కు రెండు సార్లు సమయమిచ్చింది. వీటిలో భాగంగా ఉగ్రవాదులకు అందుతున్న నిధుల మూలాలను కనిపెట్టే దిశగా పాక్ చర్యలు తీసుకోవాలి. ముఖ్యంగా ఐరాస ఉగ్రవాదులుగా గుర్తించిన వారిపై ప్రత్యేక నిఘా ఉంచాలి. అలాగే పట్టుబడ్డ వారిపై కఠిన చర్యలు తీసుకున్నట్లు నిరూపించగలగాలి. ఐరాస గుర్తించిన ఉగ్రవాదులకు నిధులు అందకుండా ఆర్థికపరమైన ఆంక్షలు విధించాలి. వీటి విషయంలో పాక్ సంతృప్తికర చర్యలు తీసుకుందని భావించిన ఎఫ్ఏటీఎఫ్.. ఎట్టకేలకు గ్రే లిస్ట్ నుంచి తొలగించింది.
ఇవీ చదవండి: ఇమ్రాన్ ఖాన్పై అనర్హత వేటు- పార్లమెంటుకు ఐదేళ్లు దూరం
దీపావళికి స్పెషల్ గుర్తింపు.. పబ్లిక్ హాలీడేగా ప్రకటించిన న్యూయార్క్ సర్కార్
