కరోనా వ్యాక్సిన్ కోసం ప్రపంచ దేశాలు ఎదురుచూస్తున్నాయి. ఈ తరుణంలో టీకాపై ప్రపంచ ఆరోగ్య సంస్థ(డబ్ల్యూహెచ్ఓ) చీఫ్ టెడ్రోస్ అధనామ్ కీలక వ్యాఖ్యలు చేశారు. ఈ ఏడాది చివరి నాటికి టీకా అందుబాటులోకి వచ్చే అవకాశం ఉందన్నారు. ఆ దిశగా ప్రయత్నాలు జరుగుతున్నాయని అభిప్రాయపడ్డారు.
"యావత్ ప్రపంచం వ్యాక్సిన్ కోసం వేచిచూస్తోంది. ఒక్కసారి టీకా అందుబాటులోకి రాగానే వాటి పంపిణీ కోసం అన్ని దేశాలు పరస్పరం సహకరించుకోవాల్సిన అవసరం ఉంది. ఆ దిశగా దేశాధినేతల హామీ ఈ తరుణంలో అత్యవసరం."
- టెడ్రోస్ అధనామ్, డబ్ల్యూహెచ్ఓ చీఫ్
వ్యాక్సిన్ అభివృద్ధి, పంపిణీలో సహకారం కోసం ప్రపంచ దేశాలు 'కోవాక్స్‌' పేరిట కూటమిగా ఏర్పడ్డాయి. ప్రస్తుతం ఈ కూటమి ఆధ్వర్యంలో తొమ్మిది వ్యాక్సిన్లు అభివృద్ధి దశలో ఉన్నాయి. వీటిలో ముఖ్యంగా ఫైజర్‌ కంపెనీ తయారు చేస్తున్న టీకాపైనే అందరూ ఆశలు పెట్టుకున్నారు.
ఇదీ చూడండి: కరోనా విలయం.. 3.60 కోట్లు దాటిన కేసులు
