ఆ యాంటీబాడీలతో కరోనా​ నుంచి తక్షణ రక్షణ!

కరోనా కారణంగా దీర్ఘకాలంలో వచ్చే వ్యాధులు, ఇన్​ఫెక్షన్​ల నుంచి రక్షణ కల్పించే యాంటీబాడీలను తయారుచేసే పనిలో ఉన్నారు శాస్త్రవేత్తలు. వివిధ జబ్బులతో బాధపడుతూ, రోగనిరోధక శక్తి తక్కువగా ఉండే వారికోసం లాంగ్​ యాక్టింగ్​ యాంటీబాడీలను అభివృద్ధి చేస్తున్నారు.

కొవిడ్​-19 నుంచి తక్షణ, దీర్ఘకాల రక్షణ కల్పించే వినూత్న యాంటీబాడీ ఔషధ చికిత్సకు బ్రిటన్ ​శాస్త్రవేత్తలు శ్రీకారం చుట్టారు. ప్రముఖ ఫార్మా దిగ్గజం ఆస్ట్రాజెనికా.. "లాంగ్​ యాక్టింగ్​ యాంటీబాడీ(ఎల్​ఏఏబీ)లను అభివృద్ధి చేసింది. వీటితో కరోనా సోకినవారికి చికిత్స అందించడం ద్వారా, వారిలో కొవిడ్​ ఇన్​ఫెక్షన్​ అభివృద్ధి చెందకుండా అడ్డుకోవచ్చని శాస్త్రవేత్తలు ధీమా వ్యక్తం చేస్తున్నారు." ఎల్​ఏఏబీ చికిత్స ఇన్​ఫెక్షన్​కు వ్యతిరేకంగా తక్షణం రక్షణ కల్పిస్తుందని భావిస్తున్నారు.

ఇదీ చదవండి: ఎందుకు కొవిడ్-19 అని పిలుస్తారు?

ఇంజెక్షన్​ చికిత్స..

యూనివర్సిటీ కాలేజ్​ లండన్​ హాస్పిటల్స్​ (యూసీఎల్​హెచ్​) ట్రస్ట్​ వైరాలజీ నిపుణుడు డా.కేథరిన్​ హౌలిహన్​ బృందం ఈ వినూత్న చికిత్సను రూపొందించింది. "ఎల్​ఏఏబీ యాంటీబాడీలు వైరస్​ను అచేతనంగా మారుస్తాయి. ఇంజెక్షన్​ ద్వారా ఈ చికిత్స అందించొచ్చు. వృద్ధాప్యం, క్యాన్సర్​, హెచ్​ఐవీ వంటి సమస్యల కారణంగా కొందరి రోగనిరోధక వ్యవస్థ బలహీనంగా ఉంటుంది. ఇమ్యునో కాంప్రమైజ్డ్​ పేషెంట్లుగా పిలిచే ఇలాంటి బాధితుల రోగ నిరోధక వ్యవస్థ వ్యాక్సిన్లకు స్పందించదు. కానీ వీరికి కూడా కొవిడ్​ నుంచి రక్షణ కల్పించేందుకు ఎల్​ఏఏబీ యాంటీ బాడీ చికిత్స దోహదపడుతుంది. ప్రస్తుతం దీనిపై క్లినికల్​ పరీక్షలు జరుగుతున్నాయి" అని కేథరిన్​ వివరించారు.

ఇదీ చదవండి: కొత్త వైరస్​పై కొవిడ్ టాస్క్​ఫోర్స్ సమీక్ష