కరోనా కొత్త స్ట్రెయిన్ కేసులతో అల్లాడుతున్న బ్రిటన్లో.. వైరస్ కట్టడి చేసే దిశగా మరో అడుగు పడింది. అమెరికా దిగ్గజ సంస్థ మోడెర్నా తయారు చేసిన కొవిడ్ టీకా అత్యవసర వినియోగానికి అక్కడి ఔషధ నియంత్రణ సంస్థ అధికారులు ఆమోదం తెలిపారు. దీంతో ఆ దేశంలో అనుమతి పొందిన మూడో టీకాగా మోడెర్నా నిలిచింది.
ఇప్పటికే.. 70 లక్షల మోడెర్నా టీకా డోసులను బ్రిటన్ మందస్తుగా ఆర్డర్ చేసింది. వసంత రుతువు అనంతరం ఈ టీకా డోసులు అక్కడ సరఫరా అయ్యే అవకాశాలు ఉన్నాయని తెలుస్తోంది.
30,000 మందిపై మోడెర్నా టీకా ట్రయల్స్ నిర్వహించగా.. 95 శాతం సమర్థతతో పనిచేస్తున్నట్లు తేలింది. దీన్ని మైనస్ 20 సెంటిగ్రేడ్ల ఉష్ణోగ్రత వద్ద నిల్వ చేయాల్సి ఉంటుంది.
అంతుకుముందు ఫైజర్, ఆస్ట్రాజెనెకా టీకాల అత్యవసర వినియోగానికి బ్రిటన్ ఆమోదం తెలిపింది. ఇప్పటికే.. దాదాపు 15 లక్షల మందికి ఈ టీకాల మొదటి డోసును వేశారు.
ఇదీ చూడండి:అమెరికా, బ్రెజిల్లో కరోనా మరణ మృదంగం
