రెండోసారి లాక్​డౌన్​ దిశగా బ్రిటన్​ అడుగులు!

ప్రపంచవ్యాప్తంగా కరోనా విలయం కొనసాగుతోంది. మొత్తం కేసులు 4 కోట్ల 60లక్షలు దాటేశాయి. మరణాలు 11లక్షల 96వేలకు పైగా నమోదయ్యాయి. కరోనా రెండోదశ నేపథ్యంలో బ్రిటన్​లో మళ్లీ లాక్​డౌన్​ విధించేందుకు సన్నాహాలు చేస్తోంది ప్రభుత్వం.

బ్రిటన్​లో నాలుగు నెలల విధ్వంసం తర్వాత కొన్ని రోజులు ఊరటనిచ్చిన కరోనా.. మళ్లీ విజృంభిస్తోంది. పెరుగుతున్న కేసులను అదుపు చేయడానికి లాక్​డౌన్ పెట్టాలని అక్కడి ప్రధాని బోరిస్​ జాన్సన్​ ఆలోచిస్తున్నట్లు సమాాచారం. మరోవైపు లాక్​డౌన్​ విధించకపోతే కేసులు వేగంగా పెరిగిపోతాయని నిపుణులు హెచ్చరిస్తున్నారు. దీంతో ప్రభుత్వం నెలరోజుల పాటు ఆంక్షలను అమలు చేసేందుకు సిద్ధమవుతోంది. అనంతరం డిసెంబర్​లో క్రిస్మస్ పండుగకు ముందు లాక్​డౌన్​ ఎత్తివేయాలని బోరిస్​ ప్రభుత్వం ఆలోచన చేస్తున్నట్లు అక్కడి మీడియా వర్గాలు పేర్కొన్నాయి.

అత్యవసర సేవలకు మాత్రమే మినహాయింపు ఇచ్చేలా ప్రణాళికలు సిద్ధం చేస్తున్నారు అధికారులు. అయితే దీనిపై తుది నిర్ణయం సోమవారం వెలువడే అవకాశం ఉంది.

1. కెనడాలో మరో 1,015 కేసులు వెలుగు చూశాయి. కొత్తగా తొమ్మిది మరణాలు నమోదయ్యాయి.
2. దక్షిణ సూడాన్​లో కేవలం రెండు కేసులు మాత్రమే నమోదైనట్లు అధికారులు వెల్లడించారు.
3. నార్వేలో కొత్తగా 152 మందికి వైరస్​ సోకింది.
4. న్యూజిలాండ్​లో 7 మంది మహమ్మారి బారిన పడ్డారు.
5. మెక్సికోలో అత్యధికంగా 516 మంది ప్రాణాలు కోల్పోయారు.

ప్రపంచవ్యాప్తంగా పలు దేశాల్లో కరోనా కేసులు

దేశం	కేసులు	మరణాలు
అమెరికా	93,24,833	2,35,264
బ్రెజిల్	55,19,528	1,59,562
రష్యా	16,18,116	27,990
ఫ్రాన్స్	13,31,984	36,565
స్పెయిన్​	12,64,517	35,878