బ్రెగ్జిట్ అనంతరం బ్రిటన్-ఈయూల మధ్య జరుగుతున్న చర్చలపై కీలక వ్యాఖ్యలు చేశారు బ్రిటన్ ప్రధాని బోరిస్ జాన్సన్. చర్చలు విఫలమయ్యే అవకాశం ఎక్కువగా హెచ్చరించారు. ఈయూతో వాణిజ్య ఒప్పందం ఏర్పడేందుకు అవకాశాలు తక్కువగా ఉన్నాయని వెల్లడించారు. చర్చలపై అంతిమ ఫలితాన్ని స్వాగతించేందుకు వ్యాపారవేత్తలు, ప్రజలు సిద్ధంగా ఉండాలన్నారు.
"చర్చలకు మేము ఈయూకు చాలా సహకారం అందించాం. అన్ని అంశాల్లో పురోగతి సాధించేందుకు తీవ్రంగా శ్రమించాం. ఈయూతో గడువు ముగిసే వరకు చర్చలను కొనసాగిస్తాము. ఆస్ట్రేలియా లాగే.. బ్రిటన్ సైతం ఈయూతో.. ప్రపంచ వాణిజ్య సంస్థ నియమాలకు లోబడి వాణిజ్యం చేసేందుకే బలమైన అవకాశాలు కనిపిస్తున్నాయి."
--బోరిస్ జాన్సన్, బ్రిటన్ ప్రధాన.
బ్రసెల్స్లో బ్రిటన్ ప్రధాని బోరిస్ జాన్సన్, యూరోపియన్ కమిషన్ అధ్యక్షుడు ఉర్సులా వాన్ డర్ లియెన్ల మధ్య బుధవారం జరిగిన అత్యవసర సమావేశంలో ఎలాంటి నిర్ణయం వెలువడలేదు. అయితే రానున్న రోజుల్లో చర్చలను కొనసాగించేందుకు ఇరు వర్గాల నేతలు సుముఖత వ్యక్తం చేశారు.
డిసెంబర్, 31న ఇరు వర్గాల మధ్య వాణిజ్య చర్చలు ముగుస్తున్నందు వల్ల రానున్న రోజుల్లో జరిగే చర్చలు కీలకంగా మారనున్నాయి. ఒకవేళ ఈ చర్చలు విఫలమైతే ఇరు వర్గాలు ప్రపంచ వాణిజ్య సంస్థ నియమాలకు లోబడి వాణిజ్యాన్ని కొనసాగించాల్సి ఉంటుంది.
ఇదీ చదవండి : 'బ్రెగ్జిట్ కీలక అంశాలపై చర్చలు కొనసాగించాలి'
ఇదీ చదవండి : బ్రెగ్జిట్ గురించి తెలుసుకోవాల్సిన ముఖ్య విషయాలు
