బెయిలు నిబంధనల ఉల్లంఘన కేసులో వికీలీక్స్ వ్యవస్థాపకుడు అసాంజేను దోషిగా తేల్చింది బ్రిటన్లోని వెస్ట్మినిస్టర్ మేజిస్ట్రేట్ కోర్టు. ఈక్వెడార్ దౌత్య కార్యాలయం రక్షణను విరమించుకోగానే అసాంజేపై విచారణను ప్రారంభించింది. 2012లో మంజూరు చేసిన బెయిల్ నిబంధనలను ఉల్లంఘించారని స్పష్టం చేసింది. ఆయనను కస్టడీకి అప్పగించింది. ఈ కేసులో అసాంజేకు 12నెలల జైలు శిక్ష విధించే అవకాశం ఉంది. మే 2న తదుపరి విచారణ జరగనుంది.
కంప్యూటర్ హ్యాకింగ్పై...
అసాంజేపై కంప్యూటర్ హ్యాకింగ్ ఆరోపణలు చేస్తూ తమకు అప్పగించాలన్న అమెరికా వినతిపై మే2న విచారణ చేపట్టనుంది బ్రిటన్ కోర్టు. అమెరికా ఆర్మీ నిఘా మాజీ విశ్లేషకురాలు చెల్సియా మానింగ్తో కలసి మార్చి 2010లో రక్షణ విభాగానికి చెందిన కంప్యూటర్ల పాస్వర్డ్ను అసాంజే హ్యాక్ చేశారని ఆరోపిస్తోంది అమెరికా. అందులో ఉన్న సమాచారాన్ని తస్కరించి విలువైన సమాచారాన్ని బయటపెట్టారని అభియోగాలను మోపుతోంది.
ఇదీ చూడండి: వికీలీక్స్ వ్యవస్థాపకుడు అసాంజే అరెస్టు
