12 నుంచి 15 ఏళ్ల వయసు పిల్లలకు తాము తయారు చేసిన టీకాను ఇచ్చేందుకు అనుమతివ్వాలంటూ ఫైజర్, బయోఎన్టెక్ సంయుక్తంగా.. ఐరోపా ఔషధ నియంత్రణ సంస్థను ఆశ్రయించాయి. 2 వేల మందికిపైగా పిల్లలపై చేసిన అధ్యయనాల్లో తమ టీకా సురక్షితం, ప్రభావవంతమని తేలిందని ప్రకటించాయి. టీకా వల్ల.. పిల్లల్లో మరో రెండేళ్లపాటు దీర్ఘకాలిక రక్షణ వ్యవస్థ మెరుగవుతుందని పేర్కొన్నాయి.
ఈ నిర్ణయాన్ని జర్మనీ ఆరోగ్య మంత్రి జెన్స్ స్పాహ్న్ స్వాగతించారు. చిన్నారులకు అందించేందుకు వ్యాక్సిన్కు త్వరలోనే అనుమతులు లభిస్తాయని ఆశాభావం వ్యక్తం చేశారు. ఆమోదం లభిస్తే.. టీకా పంపిణీలో కీలక పరిణామాలు చోటు చేసుకుంటాయన్నారు.
అమెరికాలో 12 నుంచి 15 ఏళ్ల వయసు వారికి ఇచ్చేందుకు తమ టీకాకు అనుమతివ్వాలంటూ.. ఫైజర్, బయో ఎన్‌టెక్‌ ఇప్పటికే అమెరికా ఆహార, ఔషధ నియంత్రణ సంస్థ- ఎఫ్డీఏకు దరఖాస్తు చేశాయి.
ఫైజర్, బయోఎన్టెక్ సంయుక్తంగా తయారు చేసిన టీకాను ఐరోపాలోని 17 దేశాల్లో 16ఏళ్లకు పైబడిన వారికి ఇస్తున్నారు.
ఇదీ చూడండి: అమెరికాలో 16 ఏళ్లు పైబడిన వారందరికీ టీకా!
