సముద్రంలో నిలిచిన నౌక.. ఆందోళనలో ప్రయాణికులు

నార్వే కోస్ట్​లో 1,300 మందితో ప్రయాణిస్తున్న వైకింగ్​ స్కై క్రూయిజ్​ అనే నౌక ఇంజిన్​ లోపం కారణంగా సముద్రంలో నిలిచిపోయింది. ఎయిర్​ లిఫ్టింగ్​ సహా ఓడల సహాయంతో ప్రయాణికులను రక్షించేందుకు చర్యలు తీసుకుంటున్నామని నార్వే అధికారులు తెలిపారు.

నార్వేలో 1300 మందితో ప్రయాణిస్తున్న నౌక.. సముద్రంలో చిక్కుకుపోయింది. ఈ విషయాన్ని నౌకాదళ సిబ్బంది సందేశం పంపారని నార్వే విపత్తు సహాయక కేంద్రం ట్విట్టర్​లో తెలిపింది.

ప్రయాణికులను ఎయిర్ లిఫ్ట్ ద్వారా రక్షించేందుకు చర్యలను చేపట్టినట్లు దక్షిణ నార్వే విపత్తు నిర్వాహక శాఖ వెల్లడించింది. ప్రతికూల వాతావరణం కారణంగా వైకింగ్​ స్కై క్రూయిజ్​ అనే నౌక ఇంజిన్​ మొరాయించింది. సముద్రంలో వీస్తున్న బలమైన గాలుల వల్ల ముందుకు వెళ్లలేకపోతున్నామని ఓ అత్యవసర సందేశాన్ని పంపారు పడవలోని సిబ్బంది.

స్పందించిన నార్వే విపత్తు నిర్వాహక శాఖ సహాయక చర్యలకు ఆదేశించింది.

100 మందిని హెలికాప్టర్ల ద్వారా సురక్షితంగా రక్షించినట్లు ప్రధాన పోలీస్​ అధికారి ఫ్రాంక్​ తెలిపారు.

పశ్చిమ నార్వేలోని మోర్​ ఒగ్​ రోమ్స్​డల్​ ప్రాంతానికి రెండు కిలో మీటర్లు దూరంలో పడవ నిలిచిపోయినట్లు తెలిపారు. అయితే అందులో ఉన్న అందరినీ రక్షించేందుకు కాస్త సమయం పట్టొచ్చని ఫ్రాంక్ తెలిపారు.

సహాయక చర్యలు ముమ్మరంగా కొనసాగుతున్నాయని పేర్కొన్నారు.