లండన్ హైకోర్టులో బ్రిటన్ ప్రధాన మంత్రి బోరిస్ జాన్సన్కు ఊరట లభించింది. పార్లమెంటు రద్దు నిర్ణయాన్ని సవాలు చేస్తూ విపక్షాలు దాఖలు చేసిన పిటిషన్ను కొట్టివేసింది న్యాయస్థానం. అయితే ఈ విషయంలో సుప్రీంకోర్టుకు అప్పీలు చేసే అవకాశం కల్పించింది.
ఈ పిటిషన్ను గినా మిల్లర్ అనే వ్యక్తి దాఖలు చేశారు. గతంలో బ్రెగ్జిట్ ఒప్పందానికి పార్లమెంటు తప్పనిసరి చేయాలని సుప్రీంలో బిడ్ వేసి గెలిచారు. తాజా తీర్పు అనంతరం తమ న్యాయ సలహా బృందంతో పోరాడుతూనే ఉంటామని మిల్లర్ స్పష్టం చేశారు.
అక్టోబర్ 14 వరకు పార్లమెంట్ సమావేశాలను రద్దు చేస్తున్నట్లు ప్రధాని బోరిస్ జాన్సన్ ఆగస్టు 29న ప్రకటించారు. ఐరోపా సమాఖ్య నుంచి వైదొలిగేందుకు సరికొత్త శాసన అంజెండాను రూపొందించేందుకు వీలుగా సమావేశాలను తాత్కాలికంగా వాయిదా వేయాలని నిర్ణయించారు. ఈ ప్రతిపాదనకు ఎలిజబెత్ రాణి-2 ఆమోద ముద్ర వేశారు.
ఇదీ చూడండి: బ్రిటన్ పార్లమెంట్ సమావేశాల రద్దుపై కోర్టుకు విపక్షాలు
