ప్రపంచవ్యాప్తంగా కరోనా వైరస్ విలయతాండవం చేస్తోంది. కేసులు, మరణాల్లో రోజుకో తీరు కనిపిస్తోంది. ఐరోపా దేశాల్లోని స్పెయిన్, ఫ్రాన్స్లో మరోసారి ఒక్కరోజే 3 వేలకుపైగా కొత్త కేసుల నమోదయ్యాయి. ఇక్కడ వరుసగా 244, 278 మంది మరణించారు. ఈ రెండు దేశాల్లో మొత్తం మృతుల సంఖ్య(25 వేల 800కుపైగా) దాదాపు సమానమే.
అమెరికాలో మరో 25 వేలకుపైగా కేసులు నమోదవగా... మొత్తం బాధితుల సంఖ్య 12 లక్షల 63 వేలు దాటింది. ఇందులో 2 లక్షల 12 వందల మందికిపైగా కోలుకున్నారు. మొత్తం మరణాల సంఖ్య 74 వేలను అధిగమించింది.
ఇటలీలో గడిచిన 24 గంటల్లో 369 మంది ప్రాణాలు కోల్పోయారు. మరో 1400కుపైగా వైరస్ బారినపడ్డారు.
బ్రిటన్లో తీవ్రం...
యూకేలో కరోనా ఉద్ధృతి పెరిగిపోతోంది. మరోమారు అక్కడ ఒక్కరోజు మరణాలు 600 దాటాయి. మరో 6 వేలకుపైగా బాధితులు కొత్తగా చేరారు. దేశంలో మొత్తం మరణాలు 30 వేలను అధిగమించాయి.
- బ్రెజిల్లో 24 గంటల వ్యవధిలో 645 మంది చనిపోయారు. కొత్తగా 11 వేలకుపైగా కేసులు వెలుగులోకివచ్చాయి.
- జర్మనీలో ఒక్కరోజులో 282, కెనడాలో 189, బెల్జియంలో 323 మరణాలు సంభవించాయి.
- రష్యాలో మొత్తం కేసులు లక్షా 65 వేలు దాటాయి. మరో 10 వేలకు పైగా కొత్త బాధితులు చేరగా.. ఇప్పటివరకు దేశంలో 1537 మంది మరణించారు.
- ఇరాన్లో ఇప్పటివరకు 6,418 మంది కొవిడ్కు బలయ్యారు. బుధవారం.. 1680 మందికి వైరస్ సోకింది.
- మెక్సికోలో నిన్న 236 మంది చనిపోగా.. మొత్తం మృతుల సంఖ్య 2,507కు చేరింది.
పాకిస్థాన్లో మరో 30 మంది మరణించారు. కొత్తగా 1165 కేసులు నమోదయ్యాయి.
సింగపూర్లో మరో 788 మందికి వైరస్ సోకింది. మొత్తం మరణాల సంఖ్య 20కి చేరింది.
