కొవిడ్-19 డెల్టా వేరియంట్ రానున్న రోజుల్లో అత్యంత ప్రమాదకారిగా మారనుందని ప్రపంచ ఆరోగ్య సంస్థ హెచ్చరించింది. ప్రస్తుతం దాదాపు 100కు పైగా దేశాల్లో ఈ వేరియంట్ వ్యాపించిందని తెలిపింది.
జూన్ 29 కల్లా 96 దేశాల్లో ఈ వేరియంట్ వ్యాపించినట్లు నిర్ధరించిన డబ్ల్యూహెచ్ఓ.. దీని కారణంగా ఆసుపత్రుల్లో చేరేవారి సంఖ్య క్రమంగా పెరుగుతున్నట్లు వెల్లడించింది.
"రానున్న రోజుల్లో ఇతర వేరియంట్ల కన్నా.. డెల్టా వేరియంట్ ప్రభావం తీవ్రంగా ఉంటుంది."
--ప్రపంచ ఆరోగ్య సంస్థ.
అయితే.. ఈ ప్రమాదకర వేరియంట్ను సైతం కొవిడ్ నిబంధనలతో అరికట్టవచ్చని డబ్ల్యూహెచ్ఓ సూచించింది. వ్యాక్సినేషన్ ప్రక్రియ నెమ్మదిగా ఉన్న ప్రాంతాల్లో మరింత అప్రమత్తత అవసరమని పేర్కొంది.
ఇదీ చదవండి:'డెల్టా' వేరియంట్లు అత్యంత ప్రమాదకరమా?
"వ్యాక్సిన్ తీసుకోని వారిలో డెల్టా వేరియంట్ వేగంగా వ్యాపిస్తుంది. కొన్ని దేశాల్లో కొవిడ్ నిబంధనలను పూర్తిగా సడలించారు. దీని వల్ల డెల్టా వేరియంట్ ప్రభావం మరింతగా ఉండొచ్చు. ఇది ప్రమాదకారి అని డబ్ల్యూహెచ్ఓ కూడా ఆందోళన వ్యక్తం చేస్తోంది."
--టెడ్రోస్ అథనోమ్, డబ్ల్యూహెచ్ఓ డైరెక్టర్ జనరల్.
ఏ వేరియంట్ ఎన్ని దేశాల్లో?
- ఆల్ఫా వేరియంట్-172 దేశాలు
- బీటా వేరియంట్-120 దేశాలు(కొత్తగా మరో దేశంలో)
- గామా వేరియంట్-72 దేశాలు(కొత్తగా మరో దేశంలో)
- డెల్టా వేరియంట్-96 దేశాలు(కొత్తగా 11 దేశాల్లో)
జూన్ 21-27 మధ్య
ఈ వ్యవధిలో బ్రెజిల్లో అత్యధికంగా 5,21,298 కొవిడ్ కేసులను నమోదైనట్లు ప్రపంచ ఆరోగ్య సంస్థ స్పష్టం చేసింది. భారత్లో 3,51,218 మందికి వైరస్ సోకినట్లు తెలిపింది. తర్వాతి స్థానాల్లో కొలంబియా(2,04,132), రష్యా(1,34, 465), అర్జెంటినా(1,31,824) ఉన్నట్లు పేర్కొంది.
ఇదీ చదవండి:
