భారత్తో జరిగిన రఫేల్ ఒప్పందంపై ఇటీవల వచ్చిన ఆరోపణలను గురువారం ఖండించింది ఫ్రెంచ్ ఏరోస్పేస్ దిగ్గజం డసో. ఒప్పందంలో ఎలాంటి అవకతవకలు జరగలేదని చెప్పింది. ఒప్పందంలో అక్రమాల గురించి ఫ్రెంచ్ ఆన్లైన్ జర్నల్ 'మీడియా పార్ట్' ఇటీవలే ఓ కథనం ప్రచురించిన అనంతరం.. డసో ఈ మేరకు స్పందించింది.
"2000 సంవత్సరం ఆరంభం నుంచే అవినీతిని అరికట్టడానికి కఠినమైన అంతర్గత విధానాలను అమలుచేస్తున్నాం. పారిశ్రామిక, వాణిజ్య సంబంధాల్లో సమగ్రత, విలువలు, ఖ్యాతి కోసం కచ్చితత్వంతో పనిచేస్తున్నాం. భారత్తో 36 రఫేల్ యుద్ధ విమానాల ఒప్పందంలో ఎన్నో నియంత్రణ చర్యలు తీసుకున్నాం."
- డసో అధికార ప్రతినిధి
2016లో రఫేల్ ఒప్పందం జరిగిన తర్వాత డసో సంస్థ.. మధ్యవర్తిగా వ్యవహరించిన భారత కంపెనీ 'డెఫ్సిస్' సొల్యూషన్స్కు రూ.9 కోట్ల 48లక్షలు చెల్లించిందని ఫ్రెంచ్ మీడియాలో వార్తలు వచ్చాయి. ఫ్రెంచ్ అవినీతి నిరోధక సంస్థ దర్యాప్తు ఆధారంగానే వాటిని ప్రచురించినట్లు తెలిపాయి.
ఇదీ చూడండి: రఫేల్ ముడుపులపై రాజకీయ రగడ
