మెట్రోలో ప్యాంట్​ లేకుండా ప్రయాణం.. ఎందుకంటే?

చెక్​ రిపబ్లిక్​ రాజధాని ప్రాగ్యూలో 35 మంది ప్రయాణికులు ప్యాంటు ధరించకుండా మెట్రో ప్రయాణం చేశారు. ఏదైనా కొత్త ఫ్యాషన్​ ఏమో అనుకుంటే కాదంటున్నారు. ఇలా చేయడం వెనక పెద్ద కారణమే ఉందట..! అదేంటో తెలుసుకుందామా?

చెక్‌ రిపబ్లిక్ రాజధాని ప్రాగ్యూలో సుమారు 35 మంది ప్రయాణికులు ప్యాంటు ధరించకుండా మెట్రోలో ప్రయాణం చేశారు. ఇదేదో నిరసన తెలిపే కార్యక్రమం అనుకుంటే పొరబడినట్లే. 'నో ప్యాంట్ సబ్‌వే రైడ్‌' కార్యక్రమంలో భాగంగా వీరందరూ ఇలా మెట్రోలో ప్రయాణించారు. ఈ కార్యక్రమాన్ని 20 ఏళ్లుగా ఏటా నిర్వహిస్తున్నారు.

అందుకే ఈ నో పాంట్​ షో..

రోజూ సెల్‌ఫోన్లు చూస్తూ కాలం గడపకుండా చుట్టూ ఉండే వాతావరణాన్ని గమనించేలా.. ప్రజల్లో చైతన్యం తెచ్చేందుకు ఈ కార్యక్రమాన్ని చేపడుతున్నట్లు నిర్వహకులు తెలిపారు. ఇలాంటి కార్యక్రమాలు లండన్, న్యూయార్క్ నగరాలలోనూ జరుగుతుంటాయి.