కశ్మీర్ అంశంపై భారత్తో ద్వైపాక్షిక చర్చలు జరిపేందుకు తమకు ఎలాంటి అభ్యంతరం లేదని పాక్ విదేశాంగ మంత్రి షా మహ్మద్ ఖురేషీ తెలిపారు. కశ్మీర్ విషయంలో భారత్తో యుద్దానికి సిద్ధంగా ఉన్నామని పాక్ ప్రధాని ప్రకటించిన మరుసటి రోజే ఖురేషీ కీలక వ్యాఖ్యలు చేశారు.
భారత్తో ద్వైపాక్షిక చర్చలను పాకిస్థాన్ ఎప్పుడూ వ్యతిరేకించలేదని పేర్కొన్నారు. కశ్మీర్ విషయంలో అమెరికా లాంటి దేశాల జోక్యాన్ని కోరుకుంటున్న పాక్... ఇప్పటికే పరిష్కార దిశగా ముమ్మర ప్రయత్నాలు చేసింది. భారత్ ఆ ప్రయత్నాలన్నీ వమ్ము చేసింది. కశ్మీర్ తమ అంతర్గత సమస్య అని.. ఈ అంశంలో ఇతర దేశాలేవీ జోక్యం చేసుకోవాల్సిన అవసరం లేదని అమెరికా ఉపాధ్యక్షుడు ట్రంప్నకు ప్రధాని నరేంద్ర మోదీ ఇటీవల తేల్చి చెప్పారు.
కశ్మీర్ సమస్య పరిష్కారానికి ఇతర దేశాల జోక్యం ఉంటే బాగుంటుందని ఖురేషీ అభిప్రాయపడ్డారు. జమ్ముకశ్మీర్లో గృహనిర్బంధంలో ఉన్న రాజకీయ నేతలను విడుదల చేసిన తర్వాతే భారత్తో చర్చలు జరిపే అవకాశం ఉంటుందన్నారు.
పూటకో మాట మారుస్తున్న పాక్
జమ్ముకశ్మీర్లో ఆర్టికల్ 370 రద్దు తర్వాత భారత్, పాక్ మధ్య తీవ్ర ఉద్రిక్తతలు నెలకొన్నాయి. భారత్తో ఎలాంటి చర్చలకు తావులేదని ప్రత్యేక ప్రతిపత్తి రద్దు వెంటనే పాక్ ప్రధాని ఇమ్రాన్ ఖాన్ ప్రకటించారు. ఆ వెంటనే పాక్ రైల్వే శాఖ మంత్రి సెప్టెంబర్లో కానీ, అక్టోబర్లో కానీ అణుయుద్ధం జరగబోతుందని అన్నారు. ఇప్పుడు పాక్ విదేశాంగ మంత్రి మహ్మద్ ఖురేషీ మాత్రం భారత్తో ద్వైపాక్షిక చర్చలకు సిద్దమంటూ వాఖ్యానించడం గమనార్హం.
ఇదీ చూడండి:హై అలర్ట్: భారత్పై దాడులకు పాక్ కుట్ర..!
