జీ20 సదస్సులో అమెరికా అధ్యక్షుడు డొనాల్డ్ ట్రంప్తో భారత ప్రధానమంత్రి నరేంద్రమోదీ సమావేశం అయ్యారు. జపాన్లో జరుగుతున్నఈ సదస్సు ప్రారంభం సందర్భంగా లాంఛనంగా ఇరు దేశాల అధినేతల భేటీ జరిగింది.
ఇరు దేశాల మధ్య పెరుగుతున్న వాణిజ్య ఉద్రిక్తతల నేపథ్యంలో తాజా సమావేశం ప్రాధాన్యం సంతరించకుంది. రెండోసారి ప్రధానిగా బాధ్యతలు స్వీకరించిన తర్వాత మొదటిసారిగా ట్రంప్తో భేటీ అయ్యారు మోదీ. ఈ సందర్భంగా సార్వత్రిక ఎన్నికల్లో ఘన విజయం సాధించినందుకు మోదీకి ట్రంప్ అభినందనలు తెలిపారు.
అమెరికా ఉత్పత్తులపై భారత్ అధిక పన్నులు వసూలు చేస్తోందని ట్రంప్ చాలా రోజులుగా ఆరోపిస్తున్నారు. ఈ నేపథ్యంలోనే భారత్కు జీఎస్పీ హోదాను తొలగించింది అగ్రరాజ్యం. జపాన్లో అడుగు పెట్టగానే పన్నుల విషయమై మోదీతో చర్చిస్తానని ఇంతకుముందే ట్రంప్ ట్వీట్ చేశారు.
"కొన్నేళ్లుగా అమెరికా ఎగుమతులపై భారత్ వసూలు చేస్తోన్న అధిక పన్నుల విషయంపై మోదీతో చర్చిస్తాను. అంతేకాకుండా మళ్లీ మరికొంత సుంకాన్ని పెంచారు. ఈ విషయం అంగీకరించదగినది కాదు. సుంకాన్ని పూర్తిగా తొలగించాలి."
-డొనాల్డ్ ట్రంప్, అమెరికా అధ్యక్షుడు
'జై' కూటమి
ఈ సమావేశానికి ముందు జపాన్, అమెరికా, భారత్ (జై) దేశాధినేతలు త్రైపాక్షిక చర్చలు జరిపారు. ఈ బృందంలో భారత్ ప్రాముఖ్యంపై ట్రంప్, జపాన్ ప్రధాని షింజో అబేకు వివరించారు మోదీ.
ఇదీ చూడండి: 'కార్ల నుంచి బుల్లెట్ రైళ్లు తయారు చేసే స్థాయికి'
