'ప్రపంచం అల్లకల్లోలంగా ఉన్నా.. కాలం చైనావైపే!'

కమ్యూనిస్ట్​ పార్టీ ఆఫ్​ చైనా కార్యకర్తల సమావేశంలో కీలక వ్యాఖ్యలు చేశారు చైనా అధ్యక్షుడు జిన్​పింగ్​. ప్రపంచ దేశాలు ఒడుదొడుకులు ఎదుర్కొంటున్న వేళ చైనాకు మాత్రం కాలం అనుకూలంగా ఉందన్నారు. ఈ సమయంలోనే పార్టీ కార్యకర్తలు తమ దృఢ సంకల్పాన్ని ప్రదర్శించాలన్నారు.

ప్రపంచ దేశాలు తీవ్రస్థాయిలో ఒడుదొడుకులు ఎదుర్కొంటున్న వేళ.. కాలం చైనాకు అనుకూలంగా ఉందని ఆ దేశాధ్యక్షుడు షీ జిన్​పింగ్​ తెలిపారు. సమయానికి అనుగుణంగా చైనా ఊపందుకుంటుందన్నారు.

సీపీసీ(కమ్యూనిస్ట్​ పార్టీ ఆఫ్​ చైనా) కార్యకర్తలనుద్దేశించి ప్రసంగించారు జిన్​పింగ్​. ఈ సందర్భంగా రానున్న 30ఏళ్లల్లో చైనాను గొప్ప స్థాయిలో నిలిపే విధంగా పార్టీ రూపుదిద్దుకుంటుందన్నారు.

"శతాబ్ద కాలంలో ఎన్నడూ లేని విధంగా ప్రపంచం అల్లకల్లోలంగా ఉంది. కానీ కాలం మాత్రం చైనా వైపు ఉంది. మన విశ్వాసం, దృఢ సంకల్పాన్ని చూపించాల్సిన సమయం ఇది."

--- జిన్​పింగ్​, చైనా అధ్యక్షుడు.

కరోనా సంక్షోభం, ప్రపంచ దేశాలతో బలహీనపడుతున్న బంధాలు, మందగిస్తున్న ఆర్థిక వ్యవస్థ వంటి సమస్యలతో చైనా అతలాకుతలమవుతున్నప్పటికీ.. సోమవారం జరిగిన కార్యక్రమంలో జిన్​పింగ్​ ఈ వ్యాఖ్యలు చేయడం గమనార్హం.

ఇదీ చూడండి:- చైనా సైన్యానికి జిన్​పింగ్​ కీలక ఆదేశాలు

శక్తిమంతమైన నేతగా..

2012లో అధికారం చేపట్టిన జిన్​పింగ్​.. తక్కువ సమయంలో ప్రపంచంలోనే శక్తిమంతమైన నేతగా ఎదిగారు. రెండుసార్లే అధ్యక్షుడిగా కొనసాగవచ్చన్న రాజ్యాంగాన్ని సవరించి.. జీవితకాలం పాటు సాగే విధంగా చట్టాన్ని అమలు చేసుకున్నారు. పార్టీ అధ్యక్షుడిగా, సైన్యాధ్యక్షుడిగా ఎన్నో కీలక పదవుల్లో కొనసాగుతున్నారు జిన్​పింగ్​.

అంతకుముందు మావో షీడాంగ్​కు ఇంతటి ప్రాముఖ్యం ఉండేది. 1921లో సీపీసీని స్థాపించిన మావో.. 1949లో అధికారాన్ని చేపట్టారు.

ఇదీ చూడండి:- డబ్ల్యూహెచ్​ఓ బృందం వుహాన్ పర్యటన ఖరారు