కొవిడ్ బాధితులను గుర్తించేందుకు థాయ్లాండ్ ప్రభుత్వం శునకాలను రంగంలోకి దించింది. మురికివాడలు, నిర్మాణ ప్రాంగణాలు, మార్కెట్లలో కరోనా బాధితులను గుర్తించేందుకు కనైన్ డిటెక్టింగ్ స్క్వాడ్ను మోహరించింది. చులాలాంగ్కార్న్ యూనివర్శిటీ పశుసంవర్ధక పరిశోధకులు.. మనుషుల చెమట నుంచి వచ్చే వాసన ద్వారా కొవిడ్ బాధితులను గుర్తించేలా కొన్ని లేబ్రడార్ రిట్రీవర్స్ జాతి శునకాలను శిక్షణ ఇచ్చారు. ఈ నెల 10 నుంచి ఇప్పటివరకూ వెయ్యి మందిని ఇవి గుర్తించాయని చెబుతున్నారు.
"వ్యక్తుల స్వేదాన్ని మెటల్ కంటైనర్లో ఉంచుతున్నాం. శునకాలు వాటిని వాసన చూసి క్షణాల్లో బాధితులను గుర్తించేస్తున్నాయి. భారత్, ఫిన్లాండ్, దుబాయ్, జర్మనీల్లో ఇలాంటి ప్రయోగాలు చేశారని తెలిసింది. ఇప్పుడు మేం కూడా ఈ ప్రయత్నంలో సఫలమయ్యాం" అని పరిశోధనకర్త ప్రొఫెసర్ కీవాలీ చదరాంగ్ తెలిపారు.
ఇదీ చదవండి:'కొవిడ్ మరణాల సంఖ్యలో తేడాలేంటి?
