అఫ్గానిస్థాన్లో తాలిబన్ల ఆగడాలు మొదలయ్యాయి. మహిళల హక్కులను గౌరవిస్తామని వారు ఇస్తున్న హామీకి.. వారి చర్యలకు పొంతన లేకుండా పోయింది. తాజాగా.. హెరాత్ ప్రావిన్సులోని ప్రభుత్వ, ప్రైవేటు విశ్వవిద్యాలయాల్లో కో- ఎడ్యుకేషన్ను(taliban banning education) నిషేధించారు తాలిబన్లు. సమాజంలోని అన్ని చెడులకు అదే మూలకారమని అభివర్ణించారు.
వర్సిటీల ప్రొఫెసర్లు, కళాశాల యాజమాన్యలతో చర్చించిన అనంతరం ఈ మేరకు నిర్ణయించారు తాలిబన్లు. అఫ్గాన్ను చేజిక్కించుకున్న తర్వాత వారు జారీ చేసిన ఫత్వా (ఇస్లామిక్ చట్ట ఆధారిత ఆదేశం) ఇదే.
గురువులపైనా ఆంక్షలు..
చర్చ సందర్భంగా.. మరో ప్రత్యామ్నాయం లేదని, కో- ఎడ్యుకేషన్కు తప్పనిసరిగా ముగింపు పలకాల్సిందేనని తాలిబన్ల(taliban news) ప్రతినిధి ముల్లా ఫారిద్ అన్నారు. ఉపాధ్యాయురాళ్లను కేవలం విద్యార్థిణులకు బోధించడానికే అనుమతిస్తామని, పురుష విద్యార్థులకు తరగతులను నిర్వహించే అవకాశం ఉండదని స్పష్టం చేశారు.
గత రెండు దశాబ్దాల్లో విద్యాలయాల్లో కో ఎడ్యుకేషన్తో పాటు లింగ ఆధారిత ప్రత్యేక తరగతులను అఫ్గాన్లో నిర్వహించారు.
ఇదీ చూడండి: Taliban news: రుచిగా వండలేదని మహిళ ఒంటికి నిప్పంటించిన తాలిబన్లు!
