ప్రపంచంలోనే తొలి కరోనా వ్యాక్సిన్ స్పుత్నిక్-వీ.. ఐరోపాలో ఇటీవల ప్రబలుతున్న కొత్తరకం కరోనాపై కూడా అత్యంత ప్రభావవంతంగా పనిచేస్తుందని ఆ సంస్థ తెలిపింది. ఈ మేరకు టీకా అభివృద్ధి సహకార సంస్థ, రష్యన్ డైరెక్ట్ ఇన్వెస్ట్మెంట్ ఫండ్(ఆర్డీఐఎఫ్) సీఈఓ కిరిల్ దిమిత్రివ్ చెప్పారు.
ఐరోపా దేశాల్లో వ్యాపిస్తోన్న కొత్తరకం కరోనా జాతికి వ్యతిరేకంగా స్పుత్నిక్-వీ అమోఘంగా పనిచేస్తుందని దిమిత్రివ్ తెలిపారు. ఎస్-ప్రొటీన్లో మునుపటి ప్రవర్తనలు ఉన్నప్పటికీ.. తాము రూపొందించిన టీకా.. సమర్థత చూపుతోందని ఆయన పేర్కొన్నారు. అయితే.. కొత్తగా ప్రబలుతోన్న కరోనాను అంతమొందించేందుకు ఆస్ట్రాజెనెకాతో కలిసి పనిచేస్తున్నట్టు ఆయన వెల్లడించారు.
స్పుత్నిక్-వీ 95 శాతానికిపైగా ప్రభావం చూపుతోందని ఆ దేశ అధ్యక్షుడు వ్లాదిమర్ పుతిన్ ఇటీవల పేర్కొన్నారు. ఈ వ్యాక్సిన్ 96-97 శాతం వరకు రక్షణ కల్పిస్తుందని మరికొందరు వైద్య నిపుణులు చెప్పారని రష్యన్ విదేశాంగ శాఖ వెల్లడించింది.
ఇదీ చదవండి: కరోనా సమాచారంపై చైనా కుట్ర నిజమే..
