వివిధ దేశాల్లో నిర్వహిస్తున్న క్లినికల్ పరీక్షల్లో తాము అభివృద్ధి చేసిన కరోనా టీకా మెరుగైన ఫలితాలను అందిస్తోందని చైనాకు చెందిన సినోఫార్మ్ సంస్థ పేర్కొంది. ఈ మేరకు తమ వ్యాక్సిన్ను మార్కెట్లోకి విడుదల చేసేందుకు అనుమతి కావాలని చైనా ప్రభుత్వానికి దరఖాస్తు చేసుకుంది.
"వివిధ దేశాల్లో జరిపిన వ్యాక్సిన్ క్లినికల్ ట్రయల్స్ సమాచారాన్ని సేకరించి, నివేదిక రూపంలో చైనా ప్రభుత్వానికి అందించాం. అంతిమంగా నిర్ణయం తీసుకోవాల్సింది మాత్రం ప్రభుత్వమే."
---- సినోఫార్మ్ సంస్థ.
ప్రస్తుతం వ్యాక్సిన్ ట్రయల్స్ చివరి దశలో ఉన్నాయని, ప్రభుత్వం టీకాను అనుమతిస్తే మూడో దశ ఫలితాలను జర్నల్స్లో విడుదల చేస్తామని సంస్థ సభ్యుల్లో ఒకరు తెలిపారు.
చైనాకు చెందిన ఐదు వ్యాక్సిన్లు ప్రస్తుతం యూఏఈ, బ్రెజిల్, పాకిస్థాన్, పెరూలో క్లినికల్ పరీక్షలు జరుపుకుంటున్నాయని చైనా విదేశాంగ మంత్రి జావో లిజియన్ ఇటీవలే ప్రకటించారు.
ఇదీ చదవండి :ఏడాది చివరి నాటికి చైనా వ్యాక్సిన్
