రష్యా అధ్యక్షుడు వ్లాదిమిర్ పుతిన్ తన అధికారాన్ని సుస్థిరం చేసుకునే దిశగా మరో అడుగు ముందుకేశారు. పుతిన్ను అధ్యక్షుడిగా 2036 వరకు పదవిలో ఉంచేందుకు.. అవసరమైన రాజ్యాంగ సవరణ చేపట్టేందుకు జులై 1న ప్రజాభిప్రాయ సేకరణను (ప్లెబిసైట్) నిర్వహించనున్నారు. ఈ అంశమై రష్యాలోని ముఖ్యనేతలతో వీడియో కాల్ ద్వారా సంభాషించిన పుతిన్.. దేశంలో వైరస్ కేసులు తగ్గుతున్నందున ఎన్నికలు సజావుగా సాగుతాయని ధీమా వ్యక్తం చేశారు. ఈ ఎన్నికలో నెగ్గితే 2036 వరకు అధ్యక్షుడిగా కొనసాగేందుకు పుతిన్కు మార్గం సుగమమవుతుంది.
పదవీకాలం పొడిగించేందుకే..
ప్రస్తుత రాజ్యాంగం ప్రకారం పుతిన్ మరోసారి అధ్యక్ష ఎన్నికకు పోటిచేసే అవకాశం లేదు. ఈ నేపథ్యంలో పుతిన్కు మరో అవకాశం కల్పించేందుకే ఈ ప్లెబిసైట్ను నిర్వహించనున్నారు. ప్రస్తుత పదవీకాలం ప్రకారం 2024 వరకు పుతిన్ అధ్యక్షుడిగా ఉంటారు.
ఆరు రోజుల ముందునుంచే..
ఎన్నికల నిర్వహణకు నెలరోజుల ముందుగానే తేదిని ప్రకటిస్తున్నట్లు తెలిపారు పుతిన్. ఈ వ్యవధిలో వైరస్ నియంత్రణకు మరిన్ని చర్యలు చేపట్టాలని కోరారు. కరోనా వ్యాప్తిని అరికట్టేందుకు ఆరురోజుల ముందు నుంచే ఓటింగ్ నిర్వహిస్తున్నట్లు రష్యా అధికారులు ప్రకటించారు.
