చైనాలో ఘోర ప్రమాదం జరిగింది. ఓ అపార్ట్మెంట్ బిల్డింగ్లో గ్యాస్ సిలిండర్ పేలిన(China Explosion) ఘటనలో 8 మంది ప్రాణాలు కోల్పోయారు. మరో ఐదుగురు గాయపడ్డారు. డాలియన్ గరంలోని పులందియన్ జిల్లాలో శనివారం అర్ధరాత్రి ఈ ప్రమాదం జరిగిందని స్థానికులు తెలిపారు. సమాచారం అందుకున్న వెంటనే ఘటనాస్థలికి చేరుకున్న పోలీసులు, అగ్నిమాపక సిబ్బంది.. ఉదయం 2:30 గంటల సమయంలో మంటలను ఆర్పేశారు.
క్షతగాత్రులను ఆస్పత్రులకు తరలించారని చైనా ప్రభుత్వ వార్తా సంస్థ 'జిన్హువా' ఓ కథనంలో తెలిపింది. వారి పరిస్థితి నిలకడగా ఉందని చెప్పింది. భవనంలో ఉన్న మిగతా వారిని ఖాళీ చేయించారని పేర్కొంది. ప్రమాదానికి గల కారణాలు తెలుసుకునేందుకు అధికారులు దర్యాప్తు చేపట్టినట్లు వెల్లడించింది.
