చైనా రక్షణ మంత్రి వీ ఫెంగీతో భారత రక్షణ మంత్రి రాజ్నాథ్ సింగ్ శుక్రవారం సాయంత్రం భేటీ అయ్యే అవకాశం ఉంది. షాంఘై సహకార సంస్థ (ఎస్సీఓ) సభ్య దేశాల రక్షణ మంత్రుల సదస్సు కోసం మాస్కో వెళ్లారు రాజ్నాథ్. ఇదే వేదికగా ఫెంగీతో భేటీ కానున్నట్లు ప్రభుత్వ వర్గాలు సమాచారం.
లద్దాఖ్లో ఉద్రిక్తత వాతావరణం నెలకొన్న వేళ.. రాజ్నాథ్తో భేటీ కోసం చైనా ఫెంగీ సుముఖంగా ఉన్నట్లు సంబంధిత అధికార వర్గాలు తెలిపాయి. రాజ్నాథ్తో సమావేశం ఏర్పాటు చేయాలని చైనానే కోరినట్లు సమాచారం. ఇరు దేశాల రక్షణ మంత్రులు సమావేశం కావాలనే తన అభీష్టాన్ని చైనా.. భారత అధికారులకు తెలియజేసినట్లు తెలుస్తోంది.
అత్యున్నత భేటీ..
భారత్- చైనా మధ్య సరిహద్దు ఉద్రిక్తతలు మొదలైన నాటి నుంచి తొలి అత్యున్నత భేటీ ఇదే కానుంది. ఇంతకుముందు విదేశాంగ మంత్రి జైశంకర్, చైనా తరఫున వాంగ్ యీ ఫోన్లో సంభాషించారు.
మూడు రోజుల పర్యటనలో భాగంగా రష్యాకు వెళ్లారు రాజ్నాథ్. ఎస్సీఓ సదస్సుతో పాటు రష్యాతో ద్వైపాక్షిక సంబంధాలపై చర్చించనున్నారు. అయితే.. రాజ్నాథ్ షెడ్యూల్లో చైనా రక్షణ మంత్రితో భేటీ లేదు.
ఇదీ చూడండి: రష్యా వేదికగా రక్షణ మంత్రుల భేటీకి చైనా పిలుపు!
