చైనీస్ షార్ట్ వీడియో యాప్ టిక్టాక్పై పాకిస్థాన్ నిషేధం ఎత్తివేసింది. అనైతిక కంటెంట్ను నియంత్రిస్తామని సంస్థ ఇచ్చిన హామీ మేరకు పాకిస్థాన్ టెలికాం అథారిటీ(పీటీఏ) టిక్టాక్ను అన్బ్లాక్ చేసింది.
"అసభ్య, అనైతిక కంటెంట్ను వ్యాప్తి చేస్తున్న ఖాతాలను నియంత్రిస్తామని టిక్టాక్ మేనేజ్మెంట్ నుంచి హామీ వచ్చిన తర్వాత నిషేధం తొలగించాలని నిర్ణయించాం. స్థానిక చట్టాలకు అనుగుణంగా ఖాతాలను టిక్టాక్ సమీక్షిస్తుంది."
-పీటీఏ ట్వీట్
అనైతిక, అసభ్యకర కంటెంట్కు వ్యతిరేకంగా వివిధ వర్గాల నుంచి ఫిర్యాదులు అందిన నేపథ్యంలో అక్టోబర్ 9న టిక్టాక్పై పీటీఏ నిషేధం విధించింది. నోటీసులపై స్పందించేందుకు కావాల్సిన సమయం ఇచ్చినా.. ఆ సంస్థ పూర్తి నిబంధనలు పాటించక విఫలమైందని అప్పట్లో పేర్కొంది.
పాక్లో టిక్టాక్కు బాగా ప్రాచుర్యం ఉంది. ఆ దేశంలో యాప్ డౌన్లోడ్లు 4.3 కోట్లు దాటాయి. 2020 సంవత్సరంలోనే 1.47 కోట్ల మంది యాప్ను డౌన్లోడ్ చేసుకున్నారు.
ఇదీ చదవండి- మరో అరబ్ దేశంతో ఇజ్రాయెల్ 'దోస్తీ'
