పాకిస్థాన్ ఆక్రమిత కశ్మీర్(పీఓకే)లోని గిల్గిట్-బాల్టిస్థాన్కు పూర్తిస్థాయి రాష్ట్ర హోదా ఇవ్వాలని నిర్ణయించింది ఇమ్రాన్ ఖాన్ ప్రభుత్వం. ఈ అంశాన్ని ఓ సీనియర్ మంత్రి వెల్లడించినట్లు ఆ దేశ మీడియా పేర్కొంది. త్వరలోనే అధికారిక ప్రకటన చేయనున్నట్లు తెలిపింది.
ఎక్స్ప్రెస్ ట్రిబ్యూన్ కథనం ప్రకారం.. త్వరలోనే ప్రధాని ఇమ్రాన్ఖాన్ గిల్గిట్-బాల్టిస్థాన్ ప్రాంతంలో పర్యటిస్తారని కశ్మీర్, గిల్గిట్-బాల్టిస్థాన్ వ్యవహారాల శాఖ మంత్రి అలీ అమిన్ గండాపుర్ పేర్కొన్నారు. అన్ని రకాల రాజ్యాంగ హక్కులతో పూర్తిస్థాయి రాష్ట్రహోదాపై అధికారిక ప్రకటన చేయనున్నారని తెలిపారు. జాతీయ అసెంబ్లీ, సెనేట్ సహా అన్ని రాజ్యాంగ సంస్థల్లో గిల్గిట్-బాల్టిస్థాన్కు తగిన ప్రాతినిధ్యం ఇస్తామన్నారు.
చైనా, పాకిస్థాన్ ఆర్థిక నడవా(సీపెక్) కింద మోక్పాండస్ ప్రత్యేక ఆర్థిక జోన్ పనులు ప్రారంభమవుతాయని పేర్కొన్నారు గండాపుర్.
భారత్ తిరస్కరణ..
గిల్గిట్-బాల్టిస్థాన్తో పాటు మొత్తం జమ్ముకశ్మీర్, లద్దాఖ్ కేంద్ర పాలిత ప్రాంతాలు తమ దేశంలో అంతర్భాగమేనని ఇప్పటికే పాక్కు స్పష్టం చేసింది భారత్. అక్రమంగా, బలవంతంగా ఆక్రమించుకున్న భూభాగంపై పాక్కు ఎలాంటి హక్కులు లేవని తేల్చిచెప్పింది. ఆక్రమించుకున్న అన్ని భూభాగాలను ఖాళీ చేయాలని గత మే నెలలోనే సూచించింది. ఇప్పటికే.. సీపెక్ కారిడార్ పీఓకే నుంచి వెళ్తుండడంపై అభ్యంతరం వ్యక్తం చేసింది భారత్.
ఇదీ చూడండి: ఆ ఎన్నికల నిర్వహణపై పాక్ను తప్పుబట్టిన భారత్
