నియంత్రణ రేఖ వెంబడి భారత సైన్యం కాల్పుల విరమణ ఒప్పందాన్ని ఉల్లంఘిస్తోందంటూ ఇస్లామాబాద్లోని భారత దౌత్యవేత్తకు తాఖీదులిచ్చింది పాకిస్థాన్. కాల్పులపై నిరసన వ్యక్తం చేసింది.
లిపా, బట్టాల్ సెక్టార్లలో భారత బలగాలు నిష్కారణంగా కాల్పులు జరిపాయంటూ భారత డిప్యూటీ హైకమిషనర్ గౌరవ్ అహ్లువాలియాకు సమన్లు జారీ చేసింది పాక్ విదేశాంగ కార్యాలయం. కాల్పుల్లో ఓ జవాను, ఇద్దరు పౌరులు మరణించినట్లు పేర్కొంది.
భారత బలగాలు కాల్పులకు పాల్పడుతున్నాయని అహ్లువాలియాకు వరుసగా గత బుధ, గురువారాల్లో సమన్లు జారీ చేసింది పాక్.
కాల్పుల విరమణ ఒప్పందాన్ని గౌరవించేలా సైనికులకు సూచించాలని కోరారు పాక్ విదేశీ కార్యాలయం ప్రతినిధి మహమ్మద్ ఫైసల్. సరిహద్దుల్లో శాంతిని కొనసాగించాలని సూచించారు.
"భారత్ కాల్పుల విరమణ ఒప్పందాన్ని ఉల్లంఘించటం వల్ల ప్రాంతీయ భద్రత, శాంతికి విఘాతం కలుగుతోంది. అది విపత్కర పరిస్థితులకు దారితీయొచ్చు. " -
మహమ్మద్ ఫైసల్, పాక్ విదేశాంగ ప్రతినిధి.
ఐరాస రక్షణ మండలి తీర్మానం ప్రకారం యూఎన్ మిలటరీ పరిశీలన బృందాన్ని (యూఎన్ఎంజీఐపీ) భారత్ అనుమతించాలన్నారు ఫైసల్. కానీ ఈ ప్రతిపాదనను తోసిపుచ్చింది భారత్. సిమ్లా ఒప్పందం తర్వాత యూఎన్ బృందాన్ని అనుమతించటం అవసరం లేదని పేర్కొంది.
ఇదీ చూడండి: 'అలా చేస్తే 15 నిమిషాల్లోనే నిరసనలు బంద్'
