"పాక్​లోనే మసూద్​"

పుల్వామా ఉగ్రదాడి కీలక సూత్రధారి మసూద్​ అజార్​ పాక్​లోనే ఉన్నట్లు ఆ దేశ​ విదేశాంగ మంత్రి మహమ్మూద్​ ఖురేషీ పునరుద్ఘాటించారు.

ఉగ్రవాద సంస్థ 'జైషే మహమ్మద్'​ స్థాపకుడు మసూద్​ అజార్​ తమ దేశంలోనే ఉన్నాడని పాక్​ విదేశాంగ మంత్రి షా మహమ్మూద్​ ఖురేషి మరోసారి స్పష్టం చేశారు. మసూద్​ ప్రస్తుతం మూత్రపిండాల సమస్యతో బాధ పడుతున్నాడని, పాకిస్థాన్​లోని రావల్పిండి సైనిక ఆస్పత్రిలో తరచూ డయాలసిస్​ చేయించుకుంటున్నాడని అధికారులు తెలిపారు.

"మసూద్​ అజార్​ పాకిస్థాన్​లోనే ఉన్నాడు. ఇప్పటి వరకు నాకున్న సమాచారం మేరకు అతడు ఇంట్లో నుంచి బయటకు రాలేనంత తీవ్ర అనారోగ్యంతో బాధ పడుతున్నాడు "
- షా మహమ్మూద్​ ఖురేషీ, పాక్​ విదేశాంగ మంత్రి