సైనికాధికారులతో కిమ్​ భేటీ.. అందుకేనా?

ఉత్తర కొరియా సైనిక ఉన్నతాధికారులు ఆ దేశ అధినేత, సైనిక విభాగాల ఛైర్మన్​ కిమ్​ జోంగ్​ ఉన్​తో భేటీ అయ్యారు. ఈ సమావేశంలో దేశ సైనిక సామర్థ్యం బలోపేతంపై చర్చించినట్లు తెలుస్తోంది.

సైనిక సామర్థ్యాన్ని పెంచుకోవడమే ప్రధాన అజెండాగా కీలక సమావేశం నిర్వహించారు ఉత్తర కొరియా అధినేత కిమ్ జోంగ్ ఉన్. ప్రస్తుత, భవిష్యత్ కార్యాచరణపై ఆ దేశ సైనిక ఉన్నతాధికారులతో చర్చించారు.

అమెరికా-కొరియా చర్చలపై ఇటీవల కిమ్ సోదరి.. కిమ్​​ యో జోంగ్​ స్పష్టత నిచ్చారు. అమెరికాతో చర్చలు జరగటం కష్టమేనని సూత్రప్రాయంగా వెల్లడించారు. ఇలాంటి పరిస్థితుల్లో సైనికాధికారులతో కిమ్​ భేటీ ప్రాధాన్యం సంతరించుకుంది.

ఇదీ చూడండి: ట్రంప్​తో​ భేటీపై కిమ్​ సోదరి ఏమన్నారంటే?