2008లో ఈద్ సమయంలో పాకిస్థాన్ కరాచీకి చెందిన ఓ రిపోర్టర్ చేసిన వీడియో యూట్యూబ్లో తెగ వైరల్ అయ్యింది. అది ఎంత పాపులర్ అయ్యిందంటే.. బాలీవుడ్ హిట్ చిత్రం 'భజరంగీ భాయ్జాన్'లో దాన్ని పెట్టుకునేంత క్రేజ్ను సొంతం చేసుకుంది. ఆ సినిమాతో ఈ వీడియోకు మరింత ఆదరణ లభించింది. 'కరాచీ సే లోగ్' పేరు(chand nawab video)తో ఉన్న ఈ వీడియోను నాన్ ఫంజిబుల్ టోకెన్(NFT) కింద 'ఫౌండేషన్ యాప్'లో వేలానికి పెట్టారు. వీడియో కనీస ధర రూ. 46 లక్షలుగా ఉన్నట్లు యాప్ డిస్క్రిప్షన్లో స్పష్టం చేశారు.
ఎందుకింత పాపులర్ అయింది?
కరాచీకి చెందిన టీవీ జర్నలిస్ట్ ఛాంద్ నవాబ్(Chand Nawab Dialogue).. ఆయన చేసిన 'కరాచీ సే లోగ్'(Karachi Viral video) రిపోర్టింగ్ వీడియోతో బాగా పాపులర్ అయ్యారు. రైల్వే స్టేషన్లో.. రిపోర్టింగ్ చేస్తున్న సమయంలో కొందరు ఆయన్ని పట్టించుకోకుండా కెమెరా ముందు నుంచే వెలుతుంటారు. ఈ నేపథ్యంలో ఛాంద్ నవాబ్ మాట్లాడిన విధానం నవ్వులు పూయిస్తుంది.
అయితే.. 2015లో విడుదలైన బాలీవుడ్ చిత్రం 'భజరంగీ భాయ్జాన్'లో నటుడు నవాజుద్దీన్ సిద్ధిఖీ(chand nawab bajrangi bhaijaan).. ఛాంద్ నవాబ్లా రిపోర్టింగ్ చేయడం వల్ల.. 'కరాచీ సే లోగ్' వీడియో మరోసారి నెటిజన్లను ఆకర్షించింది. దీంతో ఛాంద్ నవాబ్ మరింత క్రేజ్ సంపాదించుకున్నారు.
- " class="align-text-top noRightClick twitterSection" data="">
ఛాంద్ నవాబ్ స్పందనేంటి?
ఫౌండేషన్ యాప్ డిస్క్రిప్షన్లో తాను ఎలా ఫేమస్ అయ్యారో చెప్పుకొచ్చారు ఛాంద్ నవాబ్. భారత్, పాకిస్థాన్లో పాపులర్ అయిన ఆయన వీడియోకు లక్షల్లో వ్యూస్ వచ్చాయని తెలిపారు. దీన్ని వివిధ భాషల్లో అనువాదం కూడా చేశారని పేర్కొన్నారు.
ప్రస్తుతం ఎవరైనా ఈ వీడియోను సొంతం చేసుకోవచ్చని.. అందుకే దీన్ని వేలానికి వేస్తున్నట్లు ఛాంద్ నవాబ్ స్పష్టం చేశారు.
ఇదీ చదవండి:కొడుకును చిత్రహింసలు పెట్టి.. సెల్ఫీ వీడియో తీసి...
