పాకిస్థాన్ రాజధాని ఇస్లామాబాద్లో రెండు రోజుల పాటు జరిగిన షాంఘై సహకార సంఘం (ఎస్సీఓ) సమావేశం ముగిసింది. ఎస్సీఓ రక్షణ, భద్రత నిపుణుల 9వ సమావేశం ఈ నెల 19, 20 తేదీల్లో జరిగింది. భారత్ సహా ఇతర సభ్యదేశాలు పాల్గొన్నాయి.
జమ్ముకశ్మీర్కు ప్రత్యేక ప్రతిపత్తి తొలగించిన తర్వాత భారత్-పాక్ల మధ్య ద్వైపాక్షిక సంబంధాలు మరింత బలహీనమయ్యాయి. ఈ నేపథ్యంలో పాక్లో జరిగిన సమావేశానికి భారత్ హాజరవ్వడం ఇదే తొలిసారి.
చర్చలు..
ఈ సమావేశంలో సభ్య దేశాలన్నీ ప్రాంతీయ భద్రత సహా పలు కీలక అంశాలపై చర్చించినట్లు పాకిస్థాన్ సైనిక మీడియా విభాగం.. ఇంటర్ సర్వీస్ పబ్లిక్ రిలేషన్స్ (ఐఎస్పీఆర్) తెలిపింది. సైనికులకు ఉమ్మడి శిక్షణ, కసరత్తుపై సభ్యదేశాలు కీలక సమాచారం, అభిప్రాయాలు పంచుకున్నట్లు పేర్కొంది.
సభ్యదేశాలు..
ఎస్సీఓలో భారత్ సహా రష్యా, చైనా, పాకిస్థాన్, కజికిస్థాన్, కిర్జిస్థాన్, తజికిస్థాన్, ఉజ్బెకిస్థాన్, బెలారస్లు సభ్య దేశాలుగా ఉన్నాయి.
ఎస్సీఓ ముఖ్యనేతల వార్షిక సమావేశానికి ఈ ఏడాది చివర్లో భారత్ తొలిసారి ఆతిథ్యం ఇవ్వనుంది. ఈ సమావేశంలో పాకిస్థాన్ నుంచి ఎవరు పాల్గొంటారనే విషయం ఆసక్తిగా మారింది.
ఇదీ చూడండి:'ట్రంప్ అందుకే ఆ వ్యాఖ్యలు చేసి ఉంటారు'
