పాకిస్థాన్లోని సిక్కుల పవిత్ర స్థలం నన్కానా సాహిబ్ గురుద్వారా వద్ద శుక్రవారం జరిగిన విధ్వంసకర చర్యల్ని ఆ దేశ ప్రధాని ఇమ్రాన్ ఖాన్ 2 రోజుల తర్వాత ఖండించారు. ఈ దాడి తన సిద్ధాంతానికి పూర్తి వ్యతిరేకమన్నారు. దాడికి పాల్పడినవారిని ఎట్టిపరిస్థితుల్లో వదిలే ప్రసక్తే లేదని స్పష్టం చేశారు.
"ఈ గురుద్వారా దాడి నా సిద్ధాంతానికి వ్యతిరేకం. ఈ దాడిని ఏమాత్రం సహించేదిలేదు. న్యాయస్థానం, పోలీసులు నుంచి సిక్కులకు రక్షణ ఉంటుంది."
-ఇమ్రాన్ ఖాన్, పాక్ ప్రధాని
మరోసారి విషం...
భారత ప్రధాని నరేంద్ర మోదీపై మరోసారి తన అక్కసును వెళ్లగక్కారు ఇమ్రాన్ ఖాన్. భారత ప్రభుత్వం మద్దతులో పోలీసులు ముస్లింలపై దాడులకు పాల్పడుతున్నారని ఆరోపించారు. భారత్లో ముస్లింలు, ఇతర మైనార్టీలపై జరుగుతున్న దాడులకు పాక్లో జరిగిన గురుద్వారా దాడికి మధ్య చాలా తేడా ఉందని చెప్పుకొచ్చారు.
ఇదీ చూడండి : పాక్లో గురుద్వారాపై దాడి..ఖండించిన భారత్..!
ఇదీ చూడండి : గురుద్వారాపై దాడిని ఖండించిన ఎస్జీపీసీ.. కమిటీ ఏర్పాటు
