'షీ​ తల్చుకుంటే హాంగ్​కాంగ్​​ సంక్షోభం క్షణాల్లో....!'

హాంగ్​కాంగ్​ సంక్షోభాన్ని చైనా అధ్యక్షుడు వెనువెంటనే శాంతియుతంగా పరిష్కరించగలరని అభిప్రాయం వ్యక్తం చేశారు అమెరికా అధ్యక్షుడు డొనాల్డ్​ ట్రంప్. కొద్ది వారాలుగా హాంగ్​కాంగ్​లో నెలకొన్న హింసాత్మక పరిస్థితులపై ఈ విధంగా స్పందించారు ట్రంప్​. 'షీ' గొప్ప నేత అని ప్రశంసిస్తూ.. భేటీకి ప్రతిపాదించారు.

హాంగ్​కాంగ్​​లో నేరస్థుల అప్పగింత బిల్లుకు వ్యతిరేకంగా జరుగుతున్న ఆందోళనలను అణిచివేసేందుకు చైనా వ్యూహాత్మకంగా వ్యవహరిస్తోన్నట్లు తెలుస్తోంది. పరిస్థితుల్ని అదుపులోకి తెచ్చేందుకు సరిహద్దు వెంట భారీగా భద్రతా బలగాలను మోహరిస్తోంది డ్రాగన్​. షెంజన్​ సిటీ మైదానంలోకి చైనా.. పీపుల్స్​ ఆర్మీ, సైనిక వాహనాల్ని పంపిందని మీడియా నివేదికల్లో స్పష్టమైంది. ఈ పరిణామాల్ని బట్టి హాంగ్​కాంగ్​​ అల్లర్లలో చైనా ప్రత్యక్ష జోక్యం చేసుకునే అవకాశాలున్నాయని సమాచారం.

క్షణాల్లో పరిష్కరించగలరు..

హాంగ్​కాంగ్​ సంక్షోభంపై స్పందించారు అమెరికా అధ్యక్షుడు డొనాల్డ్​ ట్రంప్​. సమస్యను చైనా అధ్యక్షుడు షీ జిన్​పింగ్​ పరిష్కరించాలనుకుంటే... సత్వరమే చేయగలరని అభిప్రాయపడ్డారు. హాంగ్​కాంగ్​లో అశాంతి వాతావరణాన్ని రూపుమాపాలంటే అమెరికా-చైనా మధ్య స్పష్టమైన వాణిజ్య ఒప్పందం కుదరాల్సిన అవసరం ఉందని వరుస ట్వీట్లు చేశారు ట్రంప్.

• I know President Xi of China very well. He is a great leader who very much has the respect of his people. He is also a good man in a “tough business.” I have ZERO doubt that if President Xi wants to quickly and humanely solve the Hong Kong problem, he can do it. Personal meeting?

  — Donald J. Trump (@realDonaldTrump) August 14, 2019 " class="align-text-top noRightClick twitterSection" data="

  I know President Xi of China very well. He is a great leader who very much has the respect of his people. He is also a good man in a “tough business.” I have ZERO doubt that if President Xi wants to quickly and humanely solve the Hong Kong problem, he can do it. Personal meeting?

  — Donald J. Trump (@realDonaldTrump) August 14, 2019

  ">

  I know President Xi of China very well. He is a great leader who very much has the respect of his people. He is also a good man in a “tough business.” I have ZERO doubt that if President Xi wants to quickly and humanely solve the Hong Kong problem, he can do it. Personal meeting?

  — Donald J. Trump (@realDonaldTrump) August 14, 2019

''హాంగ్​కాంగ్​​ సమస్యను వేగంగా, మానవత్వంతో పరిష్కరించాలని అధ్యక్షుడు షీ అనుకుంటే.. ఆయన కచ్చితంగా చేయగలరు. దీనిపై నాకెలాంటి సందేహం లేదు. వ్యక్తిగతంగా సమావేశమవ్వగలరా?''

- డొనాల్డ్​ ట్రంప్​, అమెరికా అధ్యక్షుడు

అట్టుడుకుతున్న హాంగ్​కాంగ్​...

నేరస్థుల అప్పగింత బిల్లుకు వ్యతిరేకంగా నిరసనలతో హాంగ్​కాంగ్ అట్టుడుకుతోంది. చైనా జోక్యాన్ని వ్యతిరేకిస్తూ ప్రజాస్వామ్యవాదులు చేస్తున్న ఆందోళనలు మరింత తీవ్రరూపం దాల్చుతున్నాయి. వేల మంది నిరసనకారులు అంతర్జాతీయ విమానాశ్రయంలోకి చొచ్చుకెళ్లారు. సోమవారం నుంచి హాంగ్​కాంగ్​లో విమాన సేవలు నిలిచిపోయాయి. అన్ని కార్యకలాపాలు స్తంభించాయి.