చంద్రుడిపైన ఉన్న మట్టి, రాళ్ల వంటి పదార్థాలను భూమిపైకి తీసుకువచ్చే లక్ష్యంతో.. చైనా తొలి మానవ రహిత స్పేస్క్రాఫ్ట్ను విజయవంతంగా ప్రయోగించింది. హైనన్ రాష్ట్రంలోని.. వెంచాంగ్ స్పేస్క్రాఫ్ట్ లాంచ్ సైట్ నుంచి.. 'చాంగె-5' మిషన్ ప్రయోగించింది. లాంగ్ మార్చ్-5 రాకెట్ ద్వారా బీజింగ్ కాలమానం ప్రకారం.. మంగళవారం ఉదయం 4:30 గంటలకు ఈ ప్రయోగం చేపట్టింది.
చైనా స్పేస్ చరిత్రలో 'చాంగె-5' మిషన్ క్లిష్టమైన, సవాలుతో కూడిన మిషన్. అంతేకాకుండా చంద్రుడిపై నమునాలను సేకరించేందుకు 40 ఏళ్ల తర్వాత పంపిన తొలి స్పేస్క్రాఫ్ట్ ఇదే కావడం గమనార్హం.
40 ఏళ్లకు ముందు అమెరికా, రష్యాలు మాత్రమే ఇలాంటి ప్రయోగాలు చేపట్టాయి.
ఈ ప్రయోగంలో లూనార్ ఆర్బిట్లో మానవరహిత డాకింగ్ వంటి క్లిష్టతరమైన విధానాలను ఎంచుకుంది చైనా నేషనల్ స్పేస్ అడ్మినిస్ట్రేషన్ (సీఏఎస్ఏ). ఈ మిషన్ విజయవంతంగా పూర్తయింతే మానవ సహిత ప్రయోగాలకు పునాదులు పడుతాయని భావిస్తోంది.
ప్రయోగం వివరాలు..
చాంగె-5 రాకెట్లో ఒక ఆర్బిటర్, ల్యాండర్, యాక్సెండర్, రిటర్నర్లను పంపించింది. వీటి మొత్తం బరువు 8.2 టన్నులు.
లూనార్ ఆర్బింట్లోకి స్పేస్ క్రాఫ్ట్ ప్రవేశించిన వెంటనే.. దాని నుంచి ల్యాండర్- యాక్సెండర్ల సమూహం.. ఆర్బిటర్-రిటర్నర్ల సమూహం నుంచి వేరవుతాయి.
ఆ తర్వాత ఆర్బిటర్-రిటర్నర్లు చంద్రుడి ఉపరితలానికి 200 కిలోమీటర్ల అర్బిట్లో భ్రమణం చెందుతాయి. ల్యాండర్-యక్సెండర్లు చంద్రుడి వాయివ్య ఉపరితంపైన దిగుతాయి.
చంద్రుడిపై కావాల్సిన నమూనాలు (2 కిలోలు) సేకరించిన తర్వాత యాక్సెలర్ తిరిగి ఆర్బిటర్-రిటర్నర్లకు డాక్ అవుతుంది. అక్కడి నుంచి తిరిగి భుమికి ఆ నమూనాలను మోసుకొస్తుంది.
ఇదీ చూడండి:అధికార బదిలీకి ట్రంప్ అంగీకారం.. కానీ!
