తూర్పు లద్దాఖ్లో ప్రస్తుత పరిస్థితులు అలాగే కొనసాగడం వల్ల ఇరు దేశాల ద్వైపాక్షిక సంబంధాలపై ప్రతికూల ప్రభావం పడుతోందని భారత్ హెచ్చరించిన నేపథ్యంలో చైనా స్పందించింది. అత్యవసరంగా పరిష్కరించాల్సిన అంశాలపై పరస్పర ఆమోదయోగ్యమైన పరిష్కారాల కోసం చర్చలకు సిద్ధమని తెలిపింది.
తజకిస్థాన్ రాజధాని దుషన్‌బేలో జరిగిన షాంగై కోఆపరేషన్ ఆర్గనైజేషన్ సమావేశం సందర్భంగా చైనా విదేశాంగ మంత్రి వాంగ్ యీతో జైశంకర్ బుధవారం చర్చలు జరిపారు. ఈ సందర్భంగా వాస్తవాధీన రేఖ వెంబడి ఏకపక్ష చర్యలను భారత్ ఆమోదించదని జైశంకర్ స్పష్టంచేశారు. తూర్పు లద్దాఖ్లో శాంతి, సుస్థిరతను పునరుద్ధరించిన తర్వాతే భారత్తో చైనా సంబంధాలు అభివృద్ధి చెందుతాయని స్పష్టం చేశారు.
పాంగాంగ్ సరస్సు ప్రాంతంలో ఈ ఫిబ్రవరిలో బలగాల ఉపసంహరణ జరిగిన నాటి నుంచి ఇతర వివాదాస్పద ప్రాంతాల్లో ఆ ప్రక్రియ ముందుకు కదలలేదు. ఈ నేపథ్యంలోనే భారత్-చైనా సంబంధాలు అత్యల్ప స్థాయిలోనే కొనసాగుతున్నాయని, పరిస్థితిని మెరుగుపర్చేందుకు భారత్తో చర్చలకు సిద్ధమని వాంగ్ అన్నారు.
ఇవీ చూడండి:
