భారత రక్షణమంత్రి రాజ్నాథ్సింగ్ అరుణాచల్ప్రదేశ్ పర్యటనపై చైనా అభ్యంతరం వ్యక్తం చేసింది. భారత ఈశాన్య రాష్ట్రమైన అరుణాచల్ప్రదేశ్... దక్షిణ టిబెట్లో భాగమని చైనా ఎప్పటి నుంచో వింత వాదన చేస్తోంది.
చైనా సరిహద్దులో పౌర-సైనిక స్నేహాన్ని పెంపొందించే 'మైత్రీ దివస్' వేడుకల కోసం రాజ్నాథ్సింగ్ గురువారం తవాంగ్ను సందర్శించారు. దీనిని చైనా వ్యతిరేకించింది.
చైనా ప్రయోజనాల దృష్ట్యా
"అరుణాచల్ప్రదేశ్ను భారత భూభాగంగా చైనా ప్రభుత్వం ఎప్పుడూ గుర్తించలేదు. భారత అధికారులు, నాయకులు ఆ ప్రాంతంలో పర్యటించడాన్ని, వివిధ కార్యకలాపాల్లో పాల్గొనడాన్ని మేం తీవ్రంగా వ్యతిరేకిస్తున్నాం."- జెంగ్ షువాంగ్, చైనా విదేశాంగ మంత్రిత్వశాఖ అధికార ప్రతినిధి
చైనా ప్రయోజనాలను, ఆందోళనలను భారత్ గౌరవించాలని, సరిహద్దుల విషయాన్ని క్లిష్టపరిచే చర్యలు మానుకోవాలని చైనా చెప్పుకొచ్చింది. సరిహద్దుల్లో శాంతి, ప్రశాంతతను కాపాడడానికి సరైన చర్యలు తీసుకోవాలని విజ్ఞప్తి చేసింది.
అరుణాచల్ప్రదేశ్ భారత భూభాగమే..
అరుణాచల్ప్రదేశ్ దక్షిణ టిబెట్లోని భాగమనే చైనా వాదనను భారత్ తోసిపుచ్చింది. అరుణాచల్ప్రదేశ్ భారత భూభాగమే అని తేల్చిచెప్పింది. ఆగ్నేయాసియాతో భారత్ బంధానికి వారధిగా అరుణాచల్ప్రదేశ్లో ఈశాన్య పారిశ్రామిక కారిడార్ అభివృద్ధికి ప్రభుత్వం కృషిచేస్తోంది.
ఇదీ చూడండి: సీజేఐ రంజన్ గొగొయికి ఘనంగా వీడ్కోలు
