పాక్​లో బాంబు పేలుడు- నలుగురు మృతి

పాక్​లో భారీ బాంబు పేలుడు సంభవించింది. భద్రతా కార్యాలయ సమీపంలో జరిగిన ఈ ఘటనలో.. నలుగురు మృతిచెందారు. మరో 14 మంది క్షతగాత్రులయ్యారు.

పాకిస్థాన్​లోని బలోచిస్థాన్​ రాష్ట్రం​(అఫ్గానిస్థాన్​ సరిహద్దు)లో మంగళవారం బాంబు పేలుడు సంభవించింది. ప్రధాన సరిహద్దు పట్టణం చమన్​లోని భద్రతా దళాల కార్యాలయం వెలుపల జరిగిన ఈ ఘటనలో.. నలుగురు వ్యక్తులు అక్కడిక్కడే ప్రాణాలు కోల్పోయారు. మరో 14 మందికి గాయాలయ్యాయి.

అయితే.. ఈ దాడికి ఎవరూ తక్షణ బాధ్యత వహించలేదు. రక్షణ సిబ్బంది సహాయక చర్యలు చేపట్టి.. గాయపడిన వారిని ఆస్పత్రికి తరలించినట్టు స్థానిక పోలీస్​ అధికారి జాకౌల్లా దుర్రానీ తెలిపారు. ఈ ఘటనపై దర్యాప్తు ముమ్మరం చేసినట్టు వెల్లడించారు.

లెవీస్​ ప్రధాన కార్యాలయంలోని పోలీసులే లక్ష్యంగా.. మోటార్​ సైకిల్​ బాంబును ప్రయోగించారని దుర్రానీ తెలిపారు. ప్రస్తుతం.. దీన్ని తాత్కాలిక జైలుగా ఉపయోగిస్తున్నట్టు ఆయన పేర్కొన్నారు.

చమన్​ పట్టణంలో ఇలాంటి హింసాత్మక ఘటనలు తరచూ జరుగుతున్నాయి. గతేడాది ఆగస్టులో జరిగిన ఓ పేలుడులో ఐదుగురు చనిపోయారు.

ఇదీ చదవండి: రోహింగ్యా క్యాంపులో అగ్నిప్రమాదం.. 15మంది మృతి