కొవిడ్-19 ప్రభావంతో మాస్కులకు కొరత ఏర్పడి, ధరలు ఆకాశాన్ని అంటుతున్నాయి. ఇదే అదునుగా దొంగలు రెచ్చిపోతున్నారు. ఆస్పత్రులు, దుకాణాల నుంచి మాస్కులు ఎత్తుకెళ్లి, అమ్ముకుంటున్నారు.
జపాన్లో ఇలాంటి దొంగతనమే జరిగింది. కోబే నగరానికి పశ్చిమతీరంలోని రెడ్క్రాస్ ఆసుపత్రిలో 6,000 మాస్కులు అదృశ్యమయ్యాయి. ఆసుపత్రి స్టోర్ రూమ్లో ఉండాల్సిన నాలుగు పెట్టెలు కనిపించడం లేదని ఆసుపత్రి అధికారులు పోలీసులకు ఫిర్యాదు చేశారు.
'మా దగ్గర పెద్ద సంఖ్యలో మాస్కుల నిల్వలు ఉన్నాయి. వాటితో రోజువారీ కార్యకలాపాలను కొనసాగించగలము. అయితే ఇలాంటి దొంగతనం జరగడం గర్హనీయం' అని చెప్పారు ఆస్పత్రి వైద్యులు.
నిన్న టాయ్లెట్ పేపర్... నేడు మాస్కులు
కరోనా ప్రభావంతో చైనాలో పరిశ్రమలు మూతపడ్డాయి. ఫలితంగా అనేక వస్తువుల సరఫరా నిలిచిపోయింది. మాస్కులు, టాయ్లెట్ పేపర్ వంటి వాటికి విపరీతమైన డిమాండ్ ఏర్పడింది. ఫలితంగా ఆయా వస్తువుల దొంగతనాలు మొదలయ్యాయి. హాంకాంగ్లో సోమవారం ఇదే తరహాలో టాయ్లెట్ పేపర్ దొంగతనం జరిగింది.
ఇదీ చూడండి: కత్తితో బెదిరించి మరీ టాయ్లెట్ పేపర్ చోరీ
