అఫ్గానిస్థాన్ రాజధాని కాబుల్ విమానాశ్రయం వద్ద ఆత్మాహుతి దాడులకు(Kabul airport blast) పాల్పడి.. 200 మందికిపైగా ప్రాణాలను పొట్టనపెట్టుకుంది ఐసిస్-కే ఉగ్రసంస్థ(islamic state khorasan). ఆ ముష్కర మూక దెబ్బకు.. కాబుల్లో నిత్యం ఏం జరుగుతుందోనని యావత్ ప్రపంచం ఆందోళన చెందుతోంది. ఈ క్రమంలోనే ఐసీస్-కే ఉగ్రముఠాలో(ISKP terrorist group) 14 మంది కేరళకు చెందిన వారు ఉన్నారన్న వార్తలు వస్తున్నాయి. ఇటీవల పలు జైళ్లలోని ఉగ్రవాదులను తాలిబన్లు విడుదల చేశారు. బగ్రామ్ జైలు నుంచి విడుదల చేసిన తర్వాత వారంతా ఐసిస్-కే సంస్థతో కలిసినట్లు తెలుస్తోంది. వారిలో ఒకరు కేరళలోని తన కుటుంబ సభ్యులతో మాట్లాడినట్లు సమాచారం.
ఇస్లామిక్ స్టేట్ ఆఫ్ సిరియాగా చెప్పుకునే ఈ ఉగ్రసంస్థ 2014లో ఇరాక్లోని మోసుల్ను ఆక్రమించింది. ఆ తర్వాత కేరళలోని మలప్పురమ్, కాసరగాడ్, కన్నూర్ జిల్లాల నుంచి కొన్ని బృందాలు భారత్ నుంచి వెళ్లి పశ్చిమాసియాలోని జిహాదీలతో కలిసినట్లు అప్పట్లో వార్తలు వచ్చాయి. అందులోని కొన్ని కుటుంబాలు అఫ్గానిస్థాన్లోని నంగర్హార్ ప్రావిన్స్కు వచ్చి ఐసిస్-కేలో చేరినట్లు తెలిసింది.
ఉగ్రవాద భావజాలానికి ఆకర్షితులైన కేరళవాసులతో అఫ్గాన్లో దాడులు చేపట్టి భారత్ పేరును తాలిబన్లు, ఇతర ముఠాలు నాశనం చేసే అవకాశం ఉందని భారత్ ఆందోళన చెందుతోంది.
ఇదీ చూడండి: ఐసిస్‌తో చేతులు కలిపిన హైదరాబాద్‌ వాసి
