పాకిస్థాన్లో ప్రజా ప్రభుత్వం ఉన్నా.. అసలు పెత్తనమంతా సైన్యానిదేనని అమెరికా కాంగ్రెస్ నివేదిక సీఆర్ఆర్ తెలిపింది. ప్రధాని ఇమ్రాన్ ఖాన్ నేతృత్వంలో పాక్ విదేశాంగ విధానం, భద్రతా విధానాలన్నింటినీ సైన్యం తీవ్రంగా ప్రభావితం చేస్తోందని పేర్కొంది.
అధికారంలోకి రావడానికి ముందు ఇమ్రాన్కు ఎలాంటి పాలనా అనుభవం లేదని.. అయితే, అప్పటి ప్రధాని నవాజ్ షరీఫ్ అధికారంలో నుంచి దించాలనే ఏకైక దురుద్దేశంతో ఎన్నికల సమయంలో పాక్ సైన్యం దేశ రాజకీయాలను తారుమారు చేసిందని సీఆర్ఎస్ స్పష్టంచేసింది.
ఇమ్రాన్ సారథ్యంలోని 'తెహ్రీక్ ఇ ఇన్సాఫ్' పార్టీ నయా పాకిస్థాన్ నినాదంతో ఎన్నికల బరిలోకి దిగి చాలా మంది ఓటర్లను ఆకర్షితుల్ని చేసిందని...అయితే అవేమీ సాకారం కావడం లేదని నివేదిక వెల్లడించింది.
సంక్షేమ రాజ్యాన్ని ఏర్పాటు చేయడమే లక్ష్యమని చెప్పినప్పటికీ ఆ దిశగా ఇమ్రాన్ ప్రయత్నాలేమీ చేయడంలేదని.. ఆయన సైన్యం చేతుల్లో కీలుబొమ్మలా మారిపోయారని సీఆర్ఆర్ నివేదిక తెలిపింది. అమెరికాకు చెందిన స్వతంత్ర పరిశోధనా విభాగం సీఆర్ఆర్. అమెరికా చట్ట సభ్యులకు పలు అంశాలపై అవసరమైన నివేదికలు రూపొందిస్తుంటుంది.
ఇదీ చూడండి: చిదంబరం పిటిషన్పై సెప్టెంబర్ 5న నిర్ణయం
