బంగ్లాదేశ్లో నిన్న రాత్రి జరిగిన గ్యాస్ పైప్లైన్ పేలుడు సంభవించింది. మసీదులో ప్రార్థనా సమయంలో జరిగిన ఈ ప్రమాదంలో 12 మంది మరణించారు.
నారాయణ్‌గంజ్‌లోని బైతుస్ సలాత్‌ జామే మసీదులో ప్రార్థనలు ముగించుకొని.. బయటకు వస్తున్న సమయంలో ఈ పేలుడు జరిగినట్లు పోలీసులు తెలిపారు. ఈ పేలుడు వల్ల 37 మందికి తీవ్రగాయాలు కాగా.. వారిని సమీపంలోని ఆస్పత్రికి తరలించారు. వారిలో 12 మంది మృత్యువాత పడినట్లు.... అధికారులు తెలిపారు.
మిగిలిన వారి పరిస్థితి విషమంగా ఉన్నట్లు వైద్యులు తెలిపారు. గ్యాస్ పైప్లైన్ పేలుడు ధాటికి.. మసీదులోపల ఉన్న ఆరు ఏసీలు కూడా పేలినట్లు స్థానిక టీవీ చానెల్ తెలిపింది. ప్రస్తుతం పైప్లైన్ పనులు నడుస్తున్న సమయంలో.. ఈ ప్రమాదం జరిగినట్లు అధికారులు వెల్లడించారు.
ఇదీ చూడండి: బీరుట్లో భయంభయం- మళ్లీ 'అమ్మో'నియం లభ్యం
