ప్రపంచవ్యాప్తంగా కరోనా వేగంగా వ్యాప్తి చెందుతోంది. ఆదివారం నాటికి 70 లక్షలకు పైగా కేసులు నమోదయ్యాయి. మొత్తం 4లక్షల మందికిపైగా మహమ్మారితో ప్రాణాలు కోల్పోయారు.
లక్షకు చేరువలో...
పాకిస్థాన్లో గడిచిన 24 గంటల్లో మరో 4,960 కేసులు నమోదయ్యాయి. వైరస్ వ్యాప్తి అధికమవుతున్నందున లాక్డౌన్ ఆంక్షలు తిరిగి అమలు చేయాలన్న డిమాండ్ను పాక్ ప్రధాని ఇమ్రాన్ఖాన్ తోసిపుచ్చారు. ఈ విధంగా చేయడం వల్ల దేశంలో ఆర్థిక వ్యవస్థ పడిపోయి.. పేదరికం పెరిగుతుందని అన్నారు.
ఒక్కరోజులో అత్యధిక మరణాలు..
బంగ్లాదేశ్లో కరోనా విజృంభిస్తోంది. ఆదివారం రికార్డు స్థాయిలో 42 మంది ప్రాణాలు కోల్పోయారు. ఒక్కరోజులో నమోదైన మరణాల్లో ఇవే అత్యధికం. మరో 2,743 మంది వైరస్ బారిన పడ్డారు. మొత్తం కేసుల సంఖ్య 65 వేల 769కి చేరింది.
సింగపూర్లో...
సింగపూర్లో కొత్తగా 383 మందికి కొవిడ్ పాజిటివ్ నిర్ధరణ అయ్యింది. వీరిలో ఆరుగురు పాఠశాల సిబ్బంది, విద్యార్థులు ఉన్నట్లు అధికారులు తెలిపారు. దేశంలో మొత్తం కేసుల సంఖ్య 37,910కి చేరుకుంది.
చైనాలో దొంగ కరోనా కేసులు..
చైనాలో కొత్తగా 11 మందికి వైరస్ నిర్ధరణ అయ్యింది. వీరిలో ఐదుగురికి ఎటువంటి లక్షణాలు లేవు.
