పాక్ బలూచిస్థాన్ గ్వాదర్లోని ఓ హోటల్లో జరిగిన కాల్పుల ఘటనలో నలుగురు పౌరులు మృతి చెందినట్టు ఈ దేశ సైన్యం ప్రకటించింది. ఈ ఘటనలో ఓ సైనికుడు మృతి చెందాడు. దాడికి తెగబడిన ముగ్గురు తీవ్రవాదులను మట్టుబెట్టారు భద్రతా సిబ్బంది.
బలూచిస్థాన్ లిబరేషన్ ఆర్మీకి చెందిన ముగ్గురు తీవ్రవాదులు ఆయుధాలతో శనివారం గ్వాదర్లోని ఓ హోటల్లోకి చొరబడి కాల్పులు జరిపారు.
"ముగ్గురు తీవ్రవాదులను హతమార్చాం. వారి వివరాలను గుర్తించాల్సి ఉంది. ఈ ఘటనలో నలుగురు హోటల్ ఉద్యోగులు మృతి చెందారు. అలాగే నేవీ సైనికుడు అమరుడయ్యాడు." -- పాకిస్థాన్ సైన్యం
ఇద్దరు సైనికాధికారులు సహా ఇద్దరు నేవీ సైనికులు, ఇద్దరు హోటల్ సిబ్బంది గాయాలపాలయ్యారు. హోటల్లో జరిగే ఓ కార్యక్రమానికి వచ్చిన ప్రముఖులే లక్ష్యంగా తీవ్రవాదులు ఈ దాడికి తెగబడ్డట్టు పాక్ ఆర్మీ అధికారులు చెప్పారు. ప్రధాన హాలు వద్దకు వెళ్లకుండా వారిని భద్రతా సిబ్బంది అడ్డుకొని మట్టుబెట్టారని తెలిపారు.
ఇదీ చూడండి : తిరగేసిన కార్లతో తిరుగులేని సందేశం
