చైనాను వరుస భూకంపాలు అతలాకుతలం చేశాయి. భూకంపాల కారణంగా యాంగ్బీ నగరంలో ఇద్దరు, యాంగ్పింగ్లో ఒకరు మృతి చెందారు. 27 మంది గాయపడ్డారు. మొత్తం 20,317 కుటుంబాలపై భూకంపం ప్రభావం చూపినట్లు అధికారులు తెలిపారు. సహాయక చర్యలను ముమ్మరం చేసినట్లు పేర్కొన్నారు.
స్థానిక కాలమానం ప్రకారం శుక్రవారం రాత్రి 9 గంటల నుంచి 11 గంటల మధ్యలో నాలుగు భూకంపాలు సంభవించాయి. ఒక్కో భూకంపం 5.0 తీవ్రత కంటే ఎక్కువగా నమోదైనట్లు అధికారులు తెలిపారు. అయితే క్వింగాయ్ రాష్ట్రంలో 7.4 తీవ్రతతో భూకంపం సంభవించినట్లు పేర్కొన్నారు.
గడచిన ఐదేళ్లలో 25 భూకంపాలు సంభవించినట్లు సీఈఎన్సీ డేటా పేర్కొంది.
ఇదీ చూడండి:- గాజా ప్రజల కన్నీటి గాథలు- హమాస్ సంబరాలు
