ఇరాక్​లో తారస్థాయికి నిరసనలు- 14 మంది బలి

ఇరాక్​లో ప్రభుత్వ  వ్యతిరేక నిరసనలు మిన్నంటాయి. కొద్దిరోజులుగా సాగుతోన్న ఆందోళనలు హింసాత్మకంగా మారాయి. బాగ్దాద్​లో పోలీసులకు, నిరసనకారులకు మధ్య తీవ్ర ఘర్షణ నెలకొంది. బాగ్దాద్​లో జరిగిన తాజా ఘర్షణలో మరో ఐదుగురు మరణించారు. ఐదురోజుల్లో మొత్తం 14 మంది బలయ్యారు.

ఇరాక్​ రాజధాని బాగ్దాద్​లో ప్రభుత్వ వ్యతిరేక ఆందోళనలు హింసాత్మకంగా మారాయి. నిరసనకారులు రహదారులపై టైర్లకు నిప్పంటించారు. పోలీసులకు, ఆందోళనకారులకు మధ్య జరిగిన దాడిలో మరో ఐదుగురు మరణించారు. సైన్యం రంగంలోకి దిగినప్పటికీ నిరసనకారులు ఎవర్నీ లెక్కచేయడం లేదు. ఇప్పటివరకు ఒక్క బాగ్దాద్​లోనే ఐదురోజుల్లో 14 మంది ప్రాణాలు కోల్పోయారు.

రాజకీయనాయకులు, ప్రభుత్వం శాంతించమని కోరుతున్నప్పటికీ ఆందోళనలు చల్లారడం లేదు. వీరిపై బాష్పవాయువును ప్రయోగించినప్పటికీ ఫలితం లేకుండా పోయింది.

దేశంలో నెలల తరబడి కరెంటు కోతలు, నీటి కొరత, నిరుద్యోగం, అవినీతితో విసుగు చెందిన స్థానికులు.. నిరసన బాట పట్టారు. అవినీతికి అంతం పలికి ప్రభుత్వం దిగిపోవాలని డిమాండ్​ చేస్తున్నారు.

ఇదీ చూడండి : ఇరాక్​: హింసాత్మక ఘటనల్లో 34కు చేరిన మృతులు