నిరీక్షణకు తెర- అధికారిక నివాసానికి కమలా హారిస్​!

అమెరికా ఉపాధ్యక్షురాలిగా పదవీ బాధ్యతలు చేపట్టిన నాటి నుంచి అతిథి గృహంలోనే ఉంటున్న కమలా హారిస్​.. తన అధికారిక నివాసంలోకి వెళ్లేందుకు మార్గం సుగమం అయింది. మరమ్మతు పనులు పూర్తయినందున ఈ వారంలోనే ఆమె.. నావల్ అబ్జర్వేటరీ భవనంలోకి వెళ్లనున్నారు.

అధికారం చేపట్టినప్పటి నుంచి తాత్కాలిక నివాసంలోనే ఉంటున్నారు అమెరికా ఉపాధ్యక్షురాలు కమలా హారిస్. రెండు నెలల తర్వాత​ ఎట్టకేలకు తన అధికారిక నివాసంలోకి వెళ్లనున్నారు. ఈ వారంలో ఆమె తన భర్త డగ్ ఎమ్హోఫ్​తో కలిసి ఉపాధ్యక్షుల కోసం కేటాయించిన భవనం(నావల్ అబ్జర్వేటరీ)లోకి మారనున్నారు. ఇటీవలే అధికారిక భవనంలో మరమ్మతులు పూర్తి అయ్యాయి.

నావల్​ అబ్జర్వేటరీలో ప్లంబింగ్​, హీటింగ్​, ఎయిర్​ కండీషనింగ్​కు సంబంధించిన మరమ్మతులు జరిగాయి. అంతకుముందు ఈ భవనంలో ఉన్న మైక్​ పెన్స్​ దంపతులు ఖాళీ చేసి వెళ్లాక.. మరమ్మతు పనులు సులభంగా చేయగలిగామని అధికారులు తెలిపారు.

జనవరి 20న అమెరికా ఉపాధ్యక్షురాలిగా ప్రమాణస్వీకారం చేశారు కమల. అదే రోజున.. అధ్యక్షుడికి కేటాయించే అధికార నివాసం శ్వేతసౌధానికి వెళ్లిపోయారు బైడెన్​. కానీ కమల మాత్రం.. తన భర్త డాగ్లస్​ ఎమ్హోఫ్​తో కలిసి.. రెండు నెలలుగా అధ్యక్షుడి అధికార అతిథి గృహమైన బ్లెయిర్​ హౌస్​లోనే ఉంటున్నారు.

ఇదీ చూడండి:భారత​ ప్రయాణికులపై న్యూజిలాండ్ తాత్కాలిక​ నిషేధం!